web counter
LEXO PA REKLAMA!

SHKARKO APP

App Store
Google Play

E fundit!

x

"Ndal dhunës"/ Topalli: Protestuesit u sulmuan fizikisht pse thanë të vërtetën

26 Nëntor 2024, 22:18, Politikë CNA
"Ndal dhunës"/ Topalli: Protestuesit u sulmuan fizikisht pse
Drejtuesja politike e PD-së për Diasporën, Jozefina Topalli

Drejtuesja politike e PD-së për Diasporën, Jozefina Topalli, ka reaguar për protestën e zhvilluar mbrëmjen e sotme në Tiranë.

Ajo ka deklaruar se protesta dhe mosbindja civile janë e vetmja rrugë për të mbrojtur të drejtën, lirinë dhe dinjitetin tonë si komb.

Topalli ka evidentuar dhunën e përdorur nga policia, ndërsa ka theksuar se protestuesit u sulmuan për shkak se thanë të vërtetën dhe nuk heshtën.

Deklarata e plotë:

Kur institucionet janë kapur, kur korrupsioni dhe krimi dirigjojnë shtetin, dhe kur qytetari trajtohet si armik, protesta dhe mosbindja civile janë e vetmja rrugë për të mbrojtur të drejtën, lirinë dhe dinjitetin tonë si komb.

Në një Shqipëri ku:

• Polici vret biznesmenin dhe askush nuk mban përgjegjësi,

• Gjykatësja porosit vrasje si të ishte një skenë kriminale,

• Prokurorët bashkëpunojnë me krimin,

47% e femijeve jetojne ne varferi.

• Gjysma e popullsisë është detyruar të braktisë vendin,

Kryeministri udhëton jashtë për të takuar diasporën, jo për t’i dëgjuar, por për t’i sulmuar kur ata guxojnë ta kundërshtojnë.

Nga drejtimi i vendit, në drejtimin e grushteve.

Kur qytetarët thonë të vërtetën, përgjigjja e tij është dhuna dhe arroganca. Kryeministri i Shqipërisë godet fizikisht ata që nuk heshtin, duke i lënë për barelë. Kjo është fytyra e një pushteti që e ka humbur çdo lidhje me popullin e tij.

Ndal arrogancës! Ndal dhunës!

Shqipëria meriton një të ardhme më të ndritur, jo një qeveri që sulmon qytetarët brenda dhe jashtë vendit.

Fuqia është me popullin, jo me grushtin!./ CNA





Lajmet e fundit nga