web counter
LEXO PA REKLAMA!

SHKARKO APP

App Store
Google Play

SPAK goditi grupin e Suel Çelës/ Bardhi ngre pyetjen: A ka patur lidhje me politikën banda e Elbasanit?

26 Nëntor 2024, 19:33, Politikë CNA
SPAK goditi grupin e Suel Çelës/ Bardhi ngre pyetjen: A ka patur
Kreu i grupit parlamentar të PD-së, Gazment Bardhi

Kreu i grupit parlamentar të PD-së, Gazment Bardhi ka përgëzuar operacionin e SPAK-ut në lidhje me goditjen e grupit kriminal të trafikut të kokainës me në qendër Elbasanin.

Bardhi tha se SPAK duhet të nxitet të vijojë goditjet kundër krimit të organizuar dhe të godasë çdo anëtarë të deklaruar apo të padeklaruar të krimit të organizuar, përfshirë ato që janë të veshur me pushtet politik.

“SPAK ka provuar ndikimin e dyshuar të bandës së Elbasanit mbi policinë, drejtësinë apo median dhe ka zbadhur disa nga veprimtaritë kriminale të kësaj organizate kriminale. Për këtë, SPAK vlen të përgëzohet pa asnjë dyshim dhe e nxis të vijojë goditjet kundër krimit të organizuar. Por gjithashtu e nxis të veprojë pa kursyer asnjë anëtar të deklaruar apo të padeklaruar të krimit të organizuar, përfshirë ato që janë të veshur me pushtet politik,” u shpreh Bardhi.

Nga ana tjetër, Bardhi theksoi se krimi i organizuar në Shqipëri është forcuar më së shumti gjatë qeverisjes së kryeministrit Edi Rama.

Sipas tij, grupet kriminale kanë vepruar të pashqetësuar dhe njëkohësisht janë fuqizuar ekonomikisht.

“Është fakt se ndikimi i krimit të organizuar në jetën shoqërore dhe politike të vendit është forcuar së tepërmi gjatë qeverisjes së Edi Ramës. Grupet kriminale jo vetëm kanë vepruar të pashqetësuara, por njëkohësisht janë fuqizuar ekonomikisht, si dhe kanë pushtuar/diktuar emërimet në pozicionet kyçe të qeverisjes së vendit. Për këtë lehtësim nga shteti gjatë gjithë qeverisjes së Edi Ramës, ata kanë shërbyer në mënyrë të vijueshme si Shtabe Elektorale të Partisë Socialiste gjatë fushatave zgjedhore, duke blerë vota, duke intimiduar dhe kërcënuar qytetarët,” shkroi Bardhi./ CNA





Lajmet e fundit nga