web counter
LEXO PA REKLAMA!

SHKARKO APP

App Store
Google Play

E fundit!

x

Konsultimet për ndalimin e "TikTok"-ut/ Rama zbulon masat

26 Nëntor 2024, 13:18, Politikë CNA
Konsultimet për ndalimin e "TikTok"-ut/ Rama zbulon masat
Kryeministri Edi Rama

Kryeministri Edi Rama, gjatë një takimi për konsultimin për ndalimin e "TikTok"-ut, ka zbuluar se janë marrë masa, duke treguar se çfarë do të bëhet konkretisht për sigurinë në shkolla.

Rama tha se deri në fund të dhjetorit pritet të bëhet marrëveshja me Emiratet e Bashkuara për një sistem monitorimi në shkolla.

“Tani ajo që besoj se ju intereson më shumë se çfarë është bërë është çfarë konkretisht do të bëjmë ne më shumë për të krijuar më shumë qetësi në aspektin psikologjik, çfarë ndodh me fëmijën kur prindërit e lënë në derën e shkollës.

Kemi një projekt që kemi nisur para 1 viti, do ta aplikojmë tani deri në fund të dhjetorit, do kemi një sistem të ri monitorimi të shkollave me teknologji moderne. Është një sistem i provuar në SHBA me rezultate të jashtëzakonshme që mundëson ndjekjen në kohë reale me kamera të procesit mësimor dhe jetës brenda murit të shkollës. Çdo prind në çdo kohë mund të ketë akses për të parë fëmijën, klasën, aktivitetin, mësuesin.

Ka një rënie drastike të rasteve të bullizmit të dhunës e kështu me radhë.

Tjetra që është e rëndësishme po e kombinojmë me një element për kontrollimin e mjeteve metalike, ndalimin e celularit në shkollë”, tha Rama./ CNA





Lajmet e fundit nga