web counter
LEXO PA REKLAMA!

SHKARKO APP

App Store
Google Play

E fundit!

x

Fatale, progres-raporti i BE-së harroi komisionin “Xhafaj”

31 Tetor 2024, 13:52, Politikë CNA
Fatale, progres-raporti i BE-së harroi komisionin “Xhafaj”
Fatmir Xhafaj

Sot, kryeministrit Edi Rama iu dorëzua progres-raporti i BE-së për Shqipërinë. Ambasadori Silvio Gonzato deklaroi se Shqipëria ka bërë hapa të duhur. Kryeministri Rama shkoi deri te fakti që nëse punojmë fort mund të hyjmë në BE deri në vitin 2027.(LEXO KETU)

Kryeministri Rama më parë ka thënë se rruga europiane shkon deri te 2030-ta. Raporti flet për progres, për problematika, lavdëron në mënyrë të veçantë SPAK-un për luftën kundër krimit dhe korrupsionit, jep detyra konkrete për qeverinë, por ajo që bie në sy në këtë progres-raport me një shikim të parë të shpejtë është se si ka mundësi që nuk na jep asnjë detyrë për komisionin “Xhafaj”?

Ky komision famoz që do të bëjë këto reformat e institucioneve të pavarura, do t’i kthejë përmbys që t’i çojë drejt rrugës së BE-së, si ka mundësi?

A nuk e njohin këta të BE-së këtë komisionin “Xhafaj” fare? A nuk e dinë se Fatmiri, vartësi i Erion Veliajt, është në Parlament dhe po bën disa punë? Si ka mundësi nuk e njohin komisionin “Xhafaj” ndërkombëtarët se, së fundmi doli me parulla ia kaloi dhe shokut Enver, megjithëse është mbetje e tij ende në politikë?

Asnjë fjalë. As për Fatmir Xhafajn, jo e jo për shefin e tij Erion Veliaj që nuk ka se si të jetë pjesë e këtij progres-raporti. Dhjetëra detyra për qeverinë, për institucione të ndryshme, lavdërime, kritika.

Si munden këta të BE-së të lejojnë jashtë progres-raportit vartësin e Erion Veliajt, Fatmir Xhafajn që ka shkuar në Parlament të bëjë revolucion të madh Kushtetues. Kaq të paaftë janë këta europianët vallë që nuk e kuptojnë vizionin e Fatmirit tonë?/ CNA

 





Lajmet e fundit nga