web counter
LEXO PA REKLAMA!

SHKARKO APP

App Store
Google Play

Paralajmërimi i Këlliçit/ "Protesta para selisë së '5D' dhe inceneratorit fantazmë të Tiranës nuk do të ndalet"

4 Dhjetor 2024, 16:07, Politikë CNA
Paralajmërimi i Këlliçit/ "Protesta para selisë
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, ka bërë një paralajmërim për kryebashkiakun Erion Veliaj, pas protestës së zhvilluar sot nga opozita.

Këlliçi ka deklaruar në rrjetet sociale se protestat kundër Veliajt nuk do të ndalen.

Ai e ka cilësuar Bashkinë e Tiranë si selinë e "5D"-së dhe të inceneratorit fantazmë të Tiranës.

Gjithashtu, drejtuesi politik i PD-së ka renditur abuzimet e kryebashkiakut Veliaj.

"Protesta para selisë së '5D' dhe inceneratorit fantazmë të Tiranës nuk do të ndalet! Kryehajduti i Tiranës, ai që deri më sot ka vjedhur të paktën 132 milionë euro me inceneratorin që nuk ekziston dhe 30 milionë euro me shtabin e tij elektoral '5D', nuk mundet të vazhdojë më talljen, grabitjen dhe betonizimin e qytetit tonë.
SPAK nuk mund të vazhdojë mbrojtjen ndaj hajdutëve dhe sulmet ndaj opozitës. Rasti i Bashkisë Tiranë dhe imuniteti që kolegët e Veliajt në SPAK i kanë dhënë këtij të fundit, është tregues flagrant se institucionet e 'drejtësisë së re' po prodhojnë vetëm padrejtësi!
'Heronjtë e fëmijëve tanë' mund të jenë heronj vetëm për hajdutin Veliaj, se për qytetarët e thjeshtë janë vetëm kolegë dhe ushtarë të bindur të zdromsit të Tiranës!", ka theksuar Këlliçi./ CNA





Lajmet e fundit nga