web counter
LEXO PA REKLAMA!

SHKARKO APP

App Store
Google Play

E fundit!

x

Dita e Ujit të Bekuar në Vlorë/ Dhjetëra qytetarë, pjesë në hedhjen e kryqit

6 Janar 2025, 15:07, Aktualitet CNA

Dita e Ujit të Bekuar në Vlorë/ Dhjetëra qytetarë,

Tre persona janë hedhur në det në Vlorë, për të marrë kryqin gjatë kremtimit të Ditës së Ujit të Bekuar, një traditë e rëndësishme për besimtarët ortodoksë.

6 Janari ka një kuptim të thellë shpirtëror, pasi simbolizon jo vetëm ditën e pagëzimit të Jezu Krishtit nga Ioani Pagëzori në lumin Jordan, por edhe pastrimin shpirtëror të ujërave të ndotura në të gjithë botën.

Ky ritual shenjton faljen e mëkateve dhe shpalljen e mëshirës së pafundme të Perëndisë për të gjithë ata që i drejtohen me pendesë dhe besim.

Këtë vit, Bledi Dhima ka qenë ndër ata që kanë kapur kryqin e hedhur në det nga prifti i kishës. Ceremonia është ndjekur nga dhjetëra besimtarë dhe qytetarë të tjerë, të cilët morën pjesë me devotshmëri në këtë ngjarje shpirtërore.

Kremtimi nisi me meshën e shenjtë në kishën e "Shën Theodorit" në Vlorë. Pas përfundimit të meshës, pjesëmarrësit morën pjesë në ritualin e hedhjes së kryqit në det, një akt që simbolizon pastrimin shpirtëror dhe shpalljen e bekimit të Perëndisë mbi ata që e marrin pjesë me besim.

Prifti i kishës, Atë Konstandin Prifti, i cili drejtoi ceremoninë, uroi besimtarët dhe u bëri thirrje për forcimin e besimit dhe shpresës në këtë ditë të shënuar./ CNA





Lajmet e fundit nga