E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Standardi “Dumani” dhe frikërat e Veliajt

30 Dhjetor 2024, 10:14, Editorial CNA

Standardi “Dumani” dhe frikërat e Veliajt

Kryebashkiaku i Tiranës, Erion Veliaj dhe Kreu i SPAK, Altin Dumani

Kreu i Prokurorisë së Posaçme, Altin Dumani, vendosi një standard të ri hetimor, atë të hetimit pasuror me fakte dhe prova, duke treguar se politikanët tanë kanë bërë zullume, kanë vjedhur dhe kjo jo nga fjalët apo thashethemet, por si fakt i treguar me mesazhe dhe me dëshmitarë. ( Lexo këtu)

Tani të njëjtin standard ruan edhe Ols Dado, i cili në fakt është bashkëprokuror në hetimin ndaj pasurisë së Erion Veliajt. Megjithëse të gjithë shohin se sulmohet nga mediat e propagandës së Veliajt.

Prokurori i SPAK, Olsi Dado

Në fakt janë dy prokurorë që po hetojnë dosjen dhe po shikojmë që po ruhet i njëjti standard.

CNA shpesh ka raportuar që duhet ruajtur standardi i Dumanit, duhet të kemi një standard hetimi dhe jo ndarje mes tyre që një është prokuror i nënës dhe tjetri i njerkës.

Standardi “Dumani” që duhet për Veliajn dhe drejtorët e tij
30 Prill, 11:56

Hetimet duhet të jenë ligjore, të pastra dhe duhet të çohen deri në fund. Më pas është Gjykata, drejtësia që vendos.

Në SPAK Dumani ka treguar se me një punë të madhe, duke u përkushtuar, me zgjuarsi dhe me teknika të ndryshme hetimore, që i shkohet deri në fund dhe dalin gjëra të cilat njerëzve mund t’u duken të pabesueshme apo për shumë të tjerë që thonë pse janë kaq budallenj, pse i kanë gjërat kaq të trasha.

Parimi “Follow Dumani”, pra ndiq paratë në hetimet ndaj zyrtarëve të lartë dhe sidomos në rastin e Veliajt, ka rezultuar se rezultatet janë spektakolare dhe askush nuk ka më se çfarë të thotë.

Problemi nuk janë as fustanet e Ajolës apo xhaketat e lali Erit. Problemi është qarkullimi i qindra mijëra eurove, kompanitë e ndryshme dhe injektimi i parave të fituara në mënyrë të paligjshme në sistemin bankar për t’u pasuruar përmes taksave të shqiptarëve.

Ky është thelbi i gjithçkaje dhe duke ndjekur paratë nga fundi del te kreu dhe kreu në të gjitha rastet është një zyrtar i korruptuar.