web counter
LEXO PA REKLAMA!

SHKARKO APP

App Store
Google Play

E fundit!

x

Dumani: Po goditet fort pandëshkueshmëria

16 Dhjetor 2024, 16:07, Aktualitet CNA
Dumani: Po goditet fort pandëshkueshmëria
Kreu i SPAK-ut, Altin Dumani

Komisioni i Pavarur të Kualifikimit (KPK) dhe Komisioneri Publik përfunduan mandatin e tyre kushtetues me procesin e “vetting”-ut.

Tashmë, të gjitha çështjet e papërfunduara do i kalojnë SPAK-ut. Për këtë çështje foli këtë të hënë në konferencë, kreu i SPAK-ut, Altin Dumani.

Ky i fundit tha se angazhimi i tij do të jetë shumë më i madh dhe një ngarkesë për gjyqtarët dhe prokurorët.

Megjithatë, ai e vuri theksin te pandëshkueshmëria, për të cilën deklaroi se po gditet fort.

“7 vite nuk janë pak për një punë voluminoze, tashmë e kryer me sukses nga KPK dhe KPA. Me shembullin e tyre, përtej vlerësimit teknik, vendosën një gur për themelin e një ndërtese të re, të përzgjedhurit sot e konsiderojnë përgjegjësi të jenë pjesë e saj.

SPAK është një institucion i pavarur dhe i janë nënshtruar një procesi skanimi. U ngritën murët e drejtësisë së re. Institucionet do luajnë rol në rrëzimin e mendësisë. Pandëshkueshmëria po goditet fort. Një përparësi nga 31 dhjetori është administrimi i Komisionerëve Publikë, të gjitha çështjet e papërfunduara do i kalojnë SPAK-ut. Parashikohet që drejtuesi do ketë një angazhim shumë të madh në përfaqësimin e këtyre çështjeve te Komisioni i Pavarur i Ankimimit.

Procesi i ‘vetting’-ut dhe rezultati i saj është i ndarë nga procedura penale. Procesi i ‘vetting’-ut, përbën ngarkesë të madhe për gjyqtarët dhe prokurorët. Kjo sfidë bëhet më e ndjeshme, me punën e tyre të përditshme, për ndjekjen e çështjeve penale, për të ruajtur besimin që qytetarët kanë te ne”, theksoi Dumani./ CNA





Lajmet e fundit nga