web counter
LEXO PA REKLAMA!

SHKARKO APP

App Store
Google Play

E fundit!

x

Pas restaurimit, Teatri i Kukullave hap dyert për fëmijët

16 Dhjetor 2024, 13:35, Aktualitet CNA

Pas restaurimit, Teatri i Kukullave hap dyert për fëmijët

Sot Teatri i Kukullave në sheshin "Skëndërbej" ka hapur dyert për fëmijët pas restaurimit.

Në këtë moment të rëndësishëm ka qenë i pranishëm edhe kryeministri i vendit, Edi Rama.

Kryeministri tha se ky teatër ka një rëndësi të posaçme për faktin se në përgjithësi qytetet sot, zhvillimi i infrastrukturës dhe i qyteteve vihet në funksion të të gjithë qytetarëve, por gjithmonë pjesë më problematike është pjesa e fëmijëve, ata që janë më pak të përfshirë në zhvillim dhe në rezultatet e zhvillimit janë fëmijët.

Më tej tha se kjo është një nga arsyet pse po bëhen investime kaq masive.

“Së shpejti do të çelë dyert me hapësira dhe me një program shumë më të gjerë dhe të larmishëm për fëmijët e të gjitha moshave. Sidoqoftë kjo godinë ka një histori, ka një arsye të rëndësishme për t'u mbajtur, për t'u mirëmbajtur dhe për të gjithë këtë investim që u bë, një investim që është më shumë se çfarë duket në sy të parë. Siç u pa në ato pak minuta dokumentari është një investim në pjesën e padukshme që është pjesa më komplekse e një teatri, gjithçka që ndodh në funksion të skenës dhe të kushteve të dosmodoshme, ky teatër nuk ishte ngrohje dhe ftohje, sot e ka e kështu me radhë.

Përtej këtyre unë mendoj se ky teatër ka një rëndësi të posaçme për faktin se në përgjithësi qytetet sot, zhvillimi i infrastrukturës dhe i qyteteve vihet në funksion të të gjithë qytetarëve, por gjithmonë pjesë më problematike është pjesa e fëmijëve, ata që janë më pak të përfshirë në zhvillim dhe në rezultatet e zhvillimit janë fëmijët.

Bëhen ndërtime të bukura, me hotele, resorte, zyra, por ajo që u mbetet fëmijëve është gjithmonë shumë pak. Dhe për këtë arsye është më shumë se një godinë dhe vepër ku gjithçka shtohet në vlerë të fëmijëve.

Së paku kjo derë u hap që të punojmë për ditën që së shpejti të hapim edhe derën e teatrit të madh të fëmijëve. Të hapim sa më shumë dyer për aktivitete të larmishme për fëmijët në të gjithë Shqipërinë për këtë arsye kemi bërë investime masive për të pasur palestra në shkolla”, tha Rama./ CNA





Lajmet e fundit nga