web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu merr masa/ Kërkon pezullimin e drejtuesit të shkollës dhe oficeritë sigurisë në Fier

13 Dhjetor 2024, 22:23, Aktualitet CNA

Manastirliu merr masa/ Kërkon pezullimin e drejtuesit të shkollës

Pas ngjarjes në Fier, ku në një shkollë të mesme u plagos me thikë një adoleshent, Ministrja e Arsimit dhe Sportit, Ogerta Manastirliu, zhvilloi një takim me drejtuesit e shkollave në këtë qytet.

Në media u raportua se Manastirliu i ka kërkuar Drejtorisë Rajonale të Fierit pezullimin e drejtuesve të shkollës dhe oficerit të sigurisë, deri në përfundim të verifikimit për zbatimin e protokolleve të sigurisë të ndjekura dhe në përfundimin e hetimeve mbi këtë ngjarje.

Po ashtu, mësohet se në takim është diskutuar edhe marrja e masave shtesë për kontrollet fizike në çdo shkollë, dhe angazhimin e plotë të komisioneve të sigurisë në institucionet arsimore për zbatimin efektiv të protokolleve të sigurisë.

Kujtojmë se incidenti ka nisur pas një debati të krijuar në rrjetin social Snapchat.

Tensioni midis dy nxënësve 17-vjeçarë ka ndodhur në oborrin e shkollës, ku situata ka agravuar deri në përdorimin e një mjeti prerës nga njëri prej tyre.

Autori i dyshuar është identifikuar dhe shoqëruar nga policia për marrjen e dëshmisë dhe procedurat e mëtejshme ligjore. Ndërkohë, policia vazhdon hetimet për të zbardhur plotësisht rrethanat e ngjarjes./ CNA





Lajmet e fundit nga