web counter
LEXO PA REKLAMA!

SHKARKO APP

App Store
Google Play

E fundit!

x

Emrat - SPAK, kontrolle biznesmenëve të përfshirë në hetimet për Veliajn

12 Dhjetor 2024, 22:21, Aktualitet CNA
Emrat - SPAK, kontrolle biznesmenëve të përfshirë në
Fotomontazh - Erion Veliaj, në sfond Bashkia e Tiranës

Gazetarja Klodiana Lala ka treguar detaje për kontrollet e BKH-së ndaj familjarëve dhe rrethit të afërm të kryebashkiakut të Erion Veliajt, për shkak të hetimeve të SPAK-ut.

Lala tha se kontrolle nuk janë kryer vetëm në banesën e Veliaj apo të vëllait të tij, por edhe në të gjitha bizneset e Ajola Xoxës.

Konkretisht, ajo bëri të ditur se janë kontrolluar “Naan Gallery”, qendra “Harabel”, “Partners Law”, por edhe “Ava Studio” që administrohet nga nëna e Ajola Xoxës.

“Janë bërë publike kontrolle për bashkëshorten. Kontroll personal nënkupton sekuestrimin e celularit, pavarësisht se ditën e djeshme avokatët e zonjës Xoxa dhe të zotit Arbër Veliaj, i janë drejtuar gjykatës së Posaçme me një kërkesë për kundërshtimin e veprimeve të SPAK, duke i konsideruar të paligjshme. Janë kontrolluar edhe kompanitë e zonjës Xoxa dhe kompanitë e vëllait të zotit Veliaj. Për zonjën Xoxa, është kontrolluar kompania ‘Partners Law’, një zyrë juridike, një lajm që nuk është publikuar më parë, por kam arritur të kem të dhëna, përmes burimeve shumë të besuara.

Është kontrolluar ‘Naan Gallery’, qendra ‘Harabel’, që administrohet nga zonja Xoxa, ‘Ava Studio’, që ka të njëjtën adresë me qendrën Harabel, por Ava Studio administrohet nga Valbona Xoxa, që kam përshtypjen se është nëna e Ajola Xoxës, vjehrra e Erion Veliajt. Sa i përket vëllait të Veliajt, shtetasit Arbër Veliaj, është kontrolluar kompania ‘Gogel’ sh.p.k., dy banesa, një në Kodrën e Diellit dhe një në Qerret. Këto janë sa i përket familjarëve”, u shpreh ajo.

Siç edhe CNA raportoi, Lala deklaroi se janë kryer kontrolle ndaj Elman Abules, të cilin Veliaj e quan vëlla, dhe ndaj bashkëshortes së tij.

Emrat - SPAK, kontrolle biznesmenëve të përfshirë në

Gjithashtu, gazetarja zbuloi se një aksion ka pasur edhe ndaj shtetasve Driand Zeneli dhe Adela Kondakçiu.

“Kam mësuar me burime të besueshme, se janë kontrolluar edhe disa ambiente apo kontrolle personale të personave të tjerë, bëhet fjalë për shtetasin Elman Abule, konsiderohet sipas SPAK, një person i besuar i Erion Veliajt.

Elman Abule ka edhe një hetim nga Prokuroria e Tiranës. Është bërë kontroll personal i shtetases Marisa Nito, që është bashkëshortja e Elman Abules dhe ka lidhje shoqërore me zonjën Ajola Xoxe. Është kontrolluar kompania Rametal, që ka si administrator shtetasin Elman Abule. Ka kontroll personal për shtetasin Driand Zeneli dhe për shtetasen Adela Kondakçiu.

Këto janë të gjitha kontrollet personale apo të banesave dhe ambienteve që janë urdhëruar nga Gjykata e Posaçme në 5 dhjetor, mbi bazën e kërkesës së dy prokurorëve, Olsi Dado dhe Altin Dumani. Është firmosur vendimin nga Atalanta Zeqiraj që është gjyqtare e posaçme”, nënvizoi Klodiana Lala./ CNA





Lajmet e fundit nga