web counter
LEXO PA REKLAMA!

SHKARKO APP

App Store
Google Play

Gonzato kritikon komisionin e Xhafajt/ "Reformat duan diskutime të pjekura mes palëve politike"

11 Dhjetor 2024, 17:18, Aktualitet CNA
Gonzato kritikon komisionin e Xhafajt/ "Reformat duan diskutime të
Ambasadori i delegacionit të BE-së në Shqipëri, Silvio Gonzato

Ambasadori i delegacionit të BE-së në Shqipëri, Silvio Gonzato, foli për integrimin e vendit tonë, në takimin e organizuar për integrimin në BE.

Ai kritikoi komisionin e Xhafajt, teksa deklaroi se reformat duan diskutime të pjekura politike mes palëve, konsultime me shoqërinë civile.

Gjithashtu, Gonzato theksoi se reforma në drejtësi duhet të jetë e pakthyeshme.

“Integrimi i Ballkanit në BE mbetet në krye të përparësive të BE-së në të ardhmen e afërt. Udhëheqje e re që ka marrë detyrën më 1 dhjetor e rikonfirmoi mjaft qartë. Ribashkimi i Evropës është bërë pjesë përbërëse e vizonit për një Europë më të sigurt, qëndrueshme dhe të begatë. Procesi bazohet në meritë dhe se demokracia e sundimi i ligjit do të mbeten shtylla e tij. Nëse kandidatët do japin rezultate, BE do jetë aty.

Shqipëria ka një mundësi historike para, perspektiva e vendit tuaj për tu bërë anëtarë të BE është reale. Institucionet kanë përgjegjësi të mobilizojnë të gjitha burimet për të ecur para në mënyrë vendimtare. Dy muaj më parë çelëm bisedimet për grupkapitullin e themeloreve. Kjo nënkupton se institucionet shqiptare duhet të japin rezultate për një grup reformash që përbëjnë shtyllën për integrimin në BE. Pas një viti shpenzuar me autoritet shqiptare, duke analizuar kuadrin ligjor, BE ka përcaktuar qartë se kush janë reformat që duhen arritur në këto fusha. Fokusi kryesor i Shqipërisë është t'i zbatojë këto reforma.

Ky nuk është proces ku plotësojmë disa kuti, kur BE monitorin progresin në raport nuk sheh vetëm strategjitë, por nëse reformat janë zbatuar, masat janë ekzekutuar. Ne jemi për të ndihmuar financiarisht dhe për të siguruar që teknikisht është kështu. Reformat kërkojnë diskutime të pjekura politike mes palëve, konsultime me shoqërinë civile. Parlamenti ka rol kritik në anëtarësimin në BE, forumi i debatit poltik por edhe rolin mbikëqyrës të qeverisë. Rruga është e qartë, na duhet së bashku të mbetemi të përqendruar.”, nënvizoi ambasadori./ CNA





Lajmet e fundit nga