web counter
LEXO PA REKLAMA!

SHKARKO APP

App Store
Google Play

E fundit!

x

Ambasada gjermane vlerëson Dumanin: “Dallohet për integritet, profesionalizëm dhe guxim”

10 Dhjetor 2024, 13:26, Aktualitet CNA

Ambasada gjermane vlerëson Dumanin: “Dallohet për integritet,

Ambasada e Gjermanisë në Shqipëri uroi kreun e Strukturës së Posaçme Kundër Korrupsionit dhe Krimit të Organizuar (SPAK), Altin Dumanin për shpalljen si një nga 10 kampionët në luftën kundër korrupsionit nga Departamenti Amerikan i Shtetit.

“Si kreu i Prokurorisë së Posaçme Kundër Korrupsionit dhe Krimit të Organizuar, ai dallohet për integritet, profesionalizëm dhe guxim”, thekson Ambasada gjermane në një postim në rrjetet sociale.

“Shteti ligjor, qeverisja e mirë dhe lufta kundër korrupsionit janë kushte të domosdoshme për anëtarësimin në BE”, shton më tej Ambasada gjermane.

Një ditë më herët po ashtu Ambasada e SHBA në Tiranë uroi kreun e SPAK, Altin Dumani për vlerësimin me Çmimin për Kampionët Kundër Korrupsionit për vitin 2024.

Ambasada amerikane shprehet se ky është një vlerësim i përpjekjeve të jashtëzakonshme në luftën kundër korrupsionit.

Ambasada e SHBA theksoi se “do të vazhdojë të punojë me ju, me SPAK dhe me të gjithë institucionet e drejtësisë për të bërë realitet barazinë përpara ligjit për të gjithë qytetarët e Shqipërisë”.

Departamenti Amerikan i Shtetit vlerësoi Altin Dumanin si një ndër 10 kampionët globalë të luftës kundër korrupsionit për vitin 2024.

Ishte vetë Sekretari i Shtetit Anthony Blinken që e bëri shpalljen në 9 Dhjetor, teksa ndau edhe dekoratat, duke ia dorëzuar edhe kreut të SPAK. Ai vlerësoi punën e tij dhe të Prokurorisë së Posaçme, si të jashtëzakonshme.

Pak pas ceremonisë, DASH postoi në faqen në rrjetin social "X", edhe një foto-portret me dekorimin e Dumanit, ku ngriti lart vlerat e tij në luftën kundër krimit të organizuar dhe korrupsionit./ CNA





Lajmet e fundit nga