web counter
LEXO PA REKLAMA!

SHKARKO APP

App Store
Google Play

Ndërtimi i urës pranë Parkut të Viroit/ Fond 1.6 milionë euro nga Banka Botërore

8 Dhjetor 2024, 14:42, Aktualitet CNA

Ndërtimi i urës pranë Parkut të Viroit/ Fond 1.6

Gati 1.6 milionë euro është fondi i akorduar nga Banka Botërore për ndërtimin e urës së re pranë parkut natyror të Viroit në Gjirokastër.

Inxhinieri i ARRSH-së Rajoni Jugor, Aristotel Noni, thotë se ky projekt do t'u japë fund një sërë problematikave ku më e theksuara ndër vite ka qenë përmbytja e këtij segmenti kombëtar si pasojë e prurjeve të larta të ujit të liqenit nga burimi i Mëmës ku jo në pak raste automjetet janë bllokuar për orë të tëra të gjitha me radhë.

Projekti ka nisur të zbatohet, ndërsa pritet të përfundojë brenda një afati kohor prej 6 muajsh.

“Së pari ky projekt zgjidh problemin e sigurisë rrugore parametrave gjeometrikë që kanë qenë shumë të disfavorshme.

Së dyti zgjidh problemin e përmbytjeve në këtë zonë me anën e këtij projekti ka një mbingritje rruga rreth një metër e njëzet kështu që zgjidhet përfundimisht problemi i përmbytjes.

Së treti ky segment rrugor kalon përmes pikës turistike të Viroit që vizitohet nga shumë turistë vendas dhe të huaj mirëpo në gjendjen aktuale nuk ka akses të këmbësorëve.

Me anë të këtij projekti rruga devijon 30 metra nga rruga ekzistuese duke i dhënë zgjidhje aksesueshmërisë së këmbësorëve nga të dyja anët e liqenit”, - pohoi Noni.

Ura e re do të ketë një gjatësi prej 500 metrash, ndërsa paralelisht do të ndërtohen dhe dy ura të tjera lidhëse të cilat do të shërbejnë për qytetarët për kalimin nga njëra anë e parkut në tjetrën, ndërsa rëndësi e veçantë do t'u kushtohet dhe parametrave të sigurisë rrugore, ku ato aktuale konsiderohen tepër problematike.

Kjo urë do të ketë ndikim në turizëm, pasi vizitorët do të kenë mundësi të shikojnë më lehtë Parkun e Viroit, që është një nga më të veçantët në jug të vendit./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)





Lajmet e fundit nga