web counter
LEXO PA REKLAMA!

SHKARKO APP

App Store
Google Play

E fundit!

x

Sokol Balla bllokon lajmet për kontrollet ndaj Veliajt

7 Dhjetor 2024, 14:14, Aktualitet CNA

Lajmi më i rëndësishëm i ditës së djeshme dhe jo vetëm, që u bë kryefjalë në të gjitha mediat ishin kontrollet e BKH-së në banesën e kryebashkiakut të Tiranës, Erion Veliaj, në zyrat e tij dhe të bashkëshortes Ajola Xoxa, si dhe në shtëpinë e vëllait Arbër Veliaj. (Lexo këtu)

Por kur të gjithë raportonin kontrollet ndaj Veliajt për shkak të hetimeve të SPAK-ut, kishte edhe nga ato televizione që heshtën dhe mbuluan diellin me shoshë.

Sokol Balla bllokon lajmet për kontrollet ndaj Veliajt
Erion Veliaj

Kjo gjë ndodhi me “Abc News”-in që drejton gazetari Sokol Balla. Ky i fundit bllokoi lajmin për Veliajn dhe nuk raportoi asgjë për kontrollet, një hap i rëndësishëm i marrë në luftën e SPAK-ut kundër korrupsionit.

Sokol Balla nuk raportoi as reagimin e Veliajt, duke vendosur një censurë të plotë mbi aksionin e BKH-së. (Lexo këtu)

Megjithëse Balla drejton një media të një biznesmeni kosovar, Shkëlqim Devollit të “Comodita Home”, vendoset censurë.

Sokol Balla bllokon lajmet për kontrollet ndaj Veliajt
Sokol Balla

Kur një televizion, i cili financohet dhe mbështetet nga biznesmenë nga Kosova, siç është Shkëlqim Devolli, përtej problematikave si personazh apo lidhjeve okulte që mund të ketë me pushtetin, vendos censurë qoftë me urdhër nga Sokol Balla, apo nga vetë Shkëlqim Devolli, nuk është as më shumë dhe as më pak sesa një diktaturë mediatike.

Përpjekja për të fshehur të vërtetën, në fakt dje na tregoi se nuk mund të mbulohet as nga Sokol Balla dhe as nga klientela e Erion Veliajt.

Lajmin për kontrollin e shtëpisë së Erion Veliajt e dha edhe vetë Erion Veliaj, shkoi deri aty sa mohoi shtëpinë e tij dhe faturën ia vuri bashkëshortes. Vetëm Sokol Balla nuk e jep, kaq i pështirë mund të jetë./ CNA





Lajmet e fundit nga