Kur fajin e ka Ajola Xoxa

6 Dhjetor 2024, 17:33, Politikë CNA

Mediat e Erion Veliajt, ato të paguara me paratë e korrupsionit të inceneratorëve, dosjes “5D”, etj., dolën me një tezë për kontrollet e BKH-së në zyrën dhe shtëpitë e Erion Veliajt, Ajola Xoxës dhe vëllait të kryebashkiakut Arbër Veliaj. (Lexo këtu)

Mediat e Veliajt nxorën tezën e thjeshtë, nuk ka asgjë për lali Erin, ja pak telefonin e Ajola Xoxës kanë marrë.

Për dijeni të mendjeve të sëmura, ndoshta edhe të mendjeve të ditura, SPAK nuk ka kompetencë Ajola Xoxën, Ajola Xoxa nuk është zyrtare e shtetit shqiptar, nuk merr fonde publike, nuk është e zgjedhur.

Erion Veliaj përdor mediat kundër gruas së tij
6 Dhjetor, 15:21
Çfarë kërkon SPAK-u nga familjarët e Erion Veliajt?
6 Dhjetor, 14:35

Ajo Xoxa është një person privat, një juriste me një studio ligjore që i ka hyrë në qejf kurimi i artit.

Ajola Xoxa nuk është kompetencë e SPAK-ut, mund të ishte në rast do të dilte në përgjime, në aplikacionet “SKY ECC”, “EncroChat”, “Matrix”, etj., gjë që nuk rezulton e tillë.

Po mirë Ajolës pse duhet t’ja marrë telefonin SPAK-u lind pyetja? Cila është arsyeja? Për qejf, kur nuk e ka kompetencë?

SPAK

Atëherë ka një hetim, ka veprime hetimore penale.

Po vëllai i lali Erit, Arbër Veliaj, për çfarë hetohet? Është një biznesmen privat, në punën e tij, në jetën e tij, që ka një kompani, e cila ka rritur të ardhurat në mënyrë të frikshme me ardhjen e Veliajt si kryetar i Bashkisë së Tiranës. (Lexo këtu)

Çfarë pune ka SPAK-u me Arbër Veliajn? Vetëm në rast se del edhe ai në këto përgjigjet e grupeve kriminale, gjë që nuk rezulton e tillë as për Arbër Veliajn, as për Ajola Xoxën. (Lexo këtu)

Arbër Veliaj

Pse SPAK-u shkon dhe kontrollon shtëpinë dhe merr telefonin e Ajola Xoxës dhe nuk shkon të marrë telefonin e bashkëshortes së ndonjë kryebashkiaku tjetër, apo bashkëshortes së ndonjë ministri, apo edhe të ndonjë deputeti, por pikërisht Ajolës?

Që të jenë të qartë të gjithë dhe të mos dëgjojmë më gënjeshtra të llojit nuk ka problem se pak telefoni Ajolës ishte.

Ndaj edhe historia ia kanë marrë pak telefonin Ajolës është një histori perverse, si ato kriminalet që prodhojnë mediat e paguara të inceneratorëve, kur sulmonin prokurorët e SPAK-ut, kur sulmonin këdo që denonconte dosjen “5D”, thjesht dhe vetëm duke menduar se ka gjithëpushtetshmëri dhe asgjë nuk do të ndodhë. (Lexo këtu)

Ajola Xoxa

Në fakt, koha po tregon se të tilla marifete e rëndojnë edhe më shumë situatën, megjithëse mund të fshehin përkohësisht të vërtetën.

Ai që po hetohet e ka emrin Erion Veliaj, këta janë të afërmit e tij.

SPAK po heton Erionin, pasurinë e tij, skandalet dhe aferat e tij. Si dalin familjarët, si ka përfituar nëpërmjet të tretëve, kjo i takon SPAK-ut dhe gjykatës derisa të japë vendimet dhe të shohim të gjithë hetimet e kryera, faktet që përmban dosja shumë voluminoze e kryebashkiakut të Tiranës./ CNA