Leksioni ku zonjusha Xoxa kishte munguar

6 Dhjetor 2024, 16:19, Aktualitet CNA

Leksioni ku zonjusha Xoxa kishte munguar

Ajola Xoxa

Sot zonja Xoxa bëri rezistencë për më shumë se 1 orë përpara se të bindej që nuk ishte e mundur, që zyrtarëve të BKH-së të pajisur me vendim gjykate, t'u ndalonte hyrjen në banesë për ekzekutimin e Kontrollit.

Juriste Ajola, me siguri kishte pasur sfilatë mode në Paris, ndaj ka munguar te leksioni që shpjegon ekzekutimin e urdhrit gjyqësor për kontroll personal dhe banese.

Pse nuk e hapi derën Ajola Xoxa?
6 Dhjetor, 11:56
BKH “zbarkon” në banesën e kryebashkiakut/ Zbardhen detaje
6 Dhjetor, 10:35

Sot atë leksion e mori “live” dhe nuk besohet se do ta harrojë më.

"Juristja" Xoxa ka frekuentuar për vetëm 2 vjet Universitetin e Sorbonës, për t'u kthyer më pas në Tiranë ku u përfshi në aktivitetet e Lëvizjes "MJAFT".

Në krah të Erion Veliajt, me nuhatjen e së ardhmes në pushtet, zonjusha Xoxa filloi daljet në publik dhe promovimin nga kolltuku i studios së gazetarit Fevziu në “TV Klan”.

Erion Veliaj dhe Ajola Xoxa

Për të bindur gjithë komshinjtë që diploma e saj ishte gjë e kryer, hapi një studio konsulence, ku punësoi Klotilda Bushkën, e cila kishte kaluar nga një eksperiencë e shkurtër si përfaqësuese e PD në Komisionin Qendror të Zgjedhjeve. (Lexo këtu)

Gjithçka në zyrën e zonjës Xoxa kryhej nga Bushka. (Lexo këtu)

Erion Veliaj dhe Klotilda Bushka

Zyra e suksesshme ndiqte çdo konflikt prone në horizontin e së cilës dukej nevoja për leje ndërtimi.

Rrjeti i ndërtuesve u ngrit me kujdes dhe filloi të lulëzojë shpejt, pasi Erion Veliaj u zgjodh për herë të parë kryetar bashkie.

Edhe ndonjë ndërtues në konflikt publik me Ramën, siç ishte rasti i ndërtuesit që kishte privatizuar shkollën “Kosova”, u lidh ngushtë me Erion Veliajn.

Erion Veliaj

Më pas, kur zërat për diplomën e munguar të zonjës Xoxa u shtuan, ajo braktisi vellon e juristes dhe u vesh me kostumin e kuratores së artit. (Lexo këtu)

Një aktivitet që i siguroi jo pak fitime, jo vetëm asaj, por edhe dajës austriak dhe mamasë mësuese pianoje. (Lexo këtu)

Zonja Xoxa përfitoi pa kursim edhe nga përdorimi pa pagesë i një vile në zonën më të shtrenjtë të Tiranës. "Qiraja" paguhej në natyrë me leje ndërtimi apo favore të tjera nga bashkëshorti Veliaj. (Lexo këtu)

Vila që Ajola Xoxa e përdor pa qira

Kjo histori vazhdoi gjatë, aq gjatë saqë as SPAK-u nuk bënte dot sikur nuk e shihte.

Ndaj sot më në fund SPAK-u nisi me veprimet paraprake hetimore, pas hetimeve të deritanishme me mbledhjen e dokumentacionit në zyrat e regjistrimit të pasurive dhe banka. (Lexo këtu)

Jemi të sigurtë që nga sot zonja Xoxa do të fillojë të lexojë Kodin e Procedurës Penale shpesh e më shpesh. Herë për vete, herë për bashkëshortin./ CNA