web counter
LEXO PA REKLAMA!

SHKARKO APP

App Store
Google Play

E fundit!

x

Çfarë kërkon SPAK-u nga familjarët e Erion Veliajt?

6 Dhjetor 2024, 14:30, Politikë REDAKSIONALE

Oficerë të BKH-së, me vendim të GJKKO-së dhe me urdhër të prokurorëve të SPAK-ut, kanë kontrolluar sot shtëpinë e Erion Veliajt, kanë marrë telefonin e Ajola Xoxës, kanë kontrolluar dhe vëllain e tij, Arbër Veliaj, dhe i kanë marrë dhe këtij të fundit telefonin. (LEXO KETU)

Në fakt të gjitha këto veprime janë në fazën paraprake hetimore siç thotë dhe vetë njoftimi i SPAK-ut, hetime të cilat kryhen për Erion Veliajn.

Pra, për ata që thonë çfarë kërkon SPAK-u nga familjarët e Erion Veliajt duhet të kuptojnë një gjë shumë të thjeshtë. SPAK-u ka filluar një hetim pasuror dhe hetimi pasuror fillohet pasi ka dyshime për korrupsion për vepra të caktuara penale.

Në këtë moment SPAK-u fillon hetimin pasuror dhe ka një standard që e kemi parë tek Arben Ahmetaj, tek Ilir Beqaj, tek Ilir Meta e kështu me radhë.

Dhe, duket qartë, nuk është qëllimi i SPAK-ut dhe prokurorëve as Ajola, as vëllai, ata janë instrumentet e Erion Veliajt. Në rast se Erion Veliaj nuk do të ishte kryetar bashkie i Tiranës, por do të ishte një qytetar i thjeshtë, këtyrr njerëzve, pra as Ajolës, as vëllait të tij, nuk do t’u merreshin telefonat nga SPAK-u.

SPAK ka dyshime të forta për korrupsion, për lidhjet e Erion Veliajt duke përdorur vëllain dhe bashkëshorten e tij.

SPAK nuk ka punë me familjarët. Pse nuk merren me familjarët e një qytetari të thjeshtë, merren me familjarët e një zyrtari të lartë të shtetit shqiptar, të një zyrtari që dyshohet për një vepër penale të korrupsionit. Nuk shkon SPAK-u te qytetari i thjeshtë. SPAK-u po heton kryetarin e bashkisë, ka 5-6 dosje, ndaj ka shkuar tek Ajola, ndaj ka shkuar tek Arbër Veliaj.

Shihet se çështja nuk është kaq e thjeshtë, hajde se i morën telefonin Ajolës, jo. Është shumë më e thellë se aq, janë veprime konkrete hetimore që do të çojnë në një përfundim prokurorët.

A ka korrupsion Veliaj duke bashkëpunuar me familjarët e tij apo jo?

Problemi i gjithë hetimit është Erion Veliaj. Të vërtetohen faktet dhe provat a është i korruptuar Erion Veliaj, a kanë përfitime familjarët, a ka përdorur postin e tij si kryetar bashkie, a ka shpërdoruar detyrën e të tjerë. Pikë.

Të tjera janë fjalë në media, propagandë, ushqim që lëshon vetë Erion Veliaj e të tjerë me radhë. Këto dihen qartazi.

Po hetohet Erion Veliaj, problemi është Erion Veliaj, jo familjarët e tij./ CNA

 





Lajmet e fundit nga