web counter
LEXO PA REKLAMA!

SHKARKO APP

App Store
Google Play

E fundit!

x

U braktis nga demokratët/ Basha, si dhelpra me rrushtë: Po të mos iknin do i largoja vetë

5 Dhjetor 2024, 22:55, Politikë CNA
U braktis nga demokratët/ Basha, si dhelpra me rrushtë: Po të mos
Lulzim Basha

Lulzim Basha, personi i cili përçau Partinë Demokratike u braktis nga demokratët.

Fillimisht ai mbante pas vetes 10 kokrra deputetësh, por edhe ata ikën sapo Luli humbi vulën e PD-së në gjykatë.

Tashmë Basha ka mbetur fillikat. Për herë të parë, Luli ka pranuar se është braktisur në masë nga demokratët.

Në një intervistë për Zërin e Amerikës, ai u justifikua duke thënë se po mos të kishin ikur ata, do bënte gjithcka që mos t’i kishte afër.

Sipas tij, ata që e brkatistën nuk e justifikojnë besimin e publikut.

“Për fat të mirë, jam braktisur nga ata që nuk besojnë tek misioni, po tek karrigia. Në fakt, një nga mësimet më të rëndësishme të këtyre tre viteve është se edhe sikur të mos kishin ikur, unë duhet të kisha bërë gjithçka që mos t’i kisha afër. Këta janë njerëz që nuk e justifikojnë besimin e publikut, besimin e votuesve demokratë në 2021. Ata janë njerëz që i kanë vendosur interesat personale mbi interesat e domokratëve dhe shqiptarëve, jo vetëm me fjalë por edhe me vota, si bashkimi i votave me Edi Ramën për të nxjerrë nga burgu të korruptuarit e Edi Ramës në amnistinë famëkeqe, që tashmë është dokumentuar edhe nga raporti i progresit të Bashkimit Evropian. Por lajmi i mirë është që shumë demokratë dhe shumë shqiptarë nuk janë dorëzuar dhe besojnë se Shqipëria ka një shans ta lë pas këtë ngërç tashmë 34 vjeçar dhe përpjekjen e dinosaurëve të tranzicionit për të vazhduat për të mbajtur Shqipërinë peng për interesat e tyre, kundër interesave të shqiptarëve. Pikërishtë këtu e gjejmë veten ne, demokratët euroatlantikë dhe të gjithë ata shqiptarë që mezi presin ndryshimin”, theksoi Basha.

Pra, Luli që përçau demokratët kërkon një tjetër mbështetje nga qytetarët në zgjedhjet e ardhshme, edhe pse tashmë i ngelur fillikat dhe pa parti./ CNA





Lajmet e fundit nga