web counter
LEXO PA REKLAMA!

SHKARKO APP

App Store
Google Play

E fundit!

x

Minimumi jetik/ Eksperti i ekonomisë, Ceko: Nuk dinë ta bëjnë

5 Dhjetor 2024, 17:34, Politikë CNA
Minimumi jetik/ Eksperti i ekonomisë, Ceko: Nuk dinë ta
Eksperti i ekonomisë, Enriko Ceko

Eksperti i ekonomisë, Enriko Ceko, në një intervistë për CNA-në, ka folur në lidhje me vendosjen e minimumit jetik në Shqipëri.

Ceko tha se asnjë qeveri nuk ka pasur kurajon ta bëjë, pasi nuk i siguron dot çdo shqiptari pagesën e duhur monetare mujore.

“Le të supozojmë se Shqipërisë i duhet minimum jetik dhe paga minimale. Kush është ajo qeveri që ka takatin t’i kompletojë të gjithë shqiptarët me minimumin jetik dhe pagën minimale? Nuk dinë ta bëjnë se paratë gjehen. Po të kenë “dy pare mend” i bëjnë shqiptarët që për të paktën 8 apo 10 vitet që vijnë t’i kenë të ardhurat 30 mijë dollarë për frymë. Nuk ka ndonjë filozofi, por këtu ose s’kanë mend ose nuk duhen. Kemi 4 lloje politikash. Ato asnjëanëse, nuk nxisin, nuk pengojnë. Ka politika që pengojnë, nuk të lënë të zhvillohesh. Ka politika shumë frenuese, me taksa shumë të larta për një klasë të caktuar. Ka edhe politika nxitëse dhe ato shumë nxitëse që për ato sektorë që duhen ‘ti ndihmojmë shumë, që të na kthejnë shumë para në Buxhetin e Shtetit. Prandaj them që duhen 1 miliard dollarë për bujqësinë”, theksoi ai.

Ndër të tjera, eksperti u shpreh se në Shqipëri nuk ka politika afatgjata për zhvillimin e ekonomisë, pasi sipas tij mendohet vetëm për prokurime publike./ CNA





Lajmet e fundit nga