web counter
LEXO PA REKLAMA!

SHKARKO APP

App Store
Google Play

Dash Sula befason me deklaratën: Berisha babai ynë shpirtëror, nuk krahasohet me asnjë

5 Dhjetor 2024, 10:05, Politikë CNA

Dash Sula befason me deklaratën: Berisha babai ynë shpirtëror,

Deputeti i PD-së, Dashnor Sula, ka komentuar rikthimin e Sali Berishës në parlament pas lirimit nga arresti shtëpiak.

Gjatë një daljeje televizive, Dashnor Sula është shprehur se Berisha është babai shpirtëror i demokratëve dhe nuk ka asnjë si ai në grupin parlamentar të Partisë Demokratike.

Sula theksoi se ajo që është më e rëndësishme është se Berisha tregoi se është në formë të mirë mendore dhe fizike pasi gjatë deklaratave të tij në parlament nuk gaboi asnjë fjalë.

Sipas deputetit të PD, kjo është një gjë e mirë pasi do t’i udhëheqë në fushatën elektorale të vitit 2025.

 “Ka kaluar gati një javë nga rikthimi i Berishës. Emocioni i parë ishte ditët e para. Por si mbledhje e grupit të PD ka një vlerë të veçantë, sepse po të kuptosh, përgjatë këtyre 333 ditëve, nuk mund të krahasohet qasja apo figura apo vokacioni që krijon Berisha, me asnjë figurë tjetër nga grupi parlamentar, edhe kur ishte Basha.

Unë e kam thënë edhe në momentin që kam pasur qasje ndryshe, që ai është babai ynë shpirtëror. Por duhet ta theksoj një fakt, datën 2 dhjetor, pati një prezantim të buxhetit nga Berisha, te grupi Parlamentar dhe gjithë seksionet.

Mjafton të përmendësh që nuk gaboi një fjalë, tregoi që është i kthjellët në kuptimin e pikëpamjes mendore e fizike dhe ne demokratëve na bëhet mirë se do të udhëheqë fushatën”, tha Sula./ CNA





Lajmet e fundit nga