E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

Berisha detyron qeverinë dhe mazhorancën të shkojnë me pizhame në Parlament

4 Dhjetor 2024, 17:43, Politikë CNA

Berisha detyron qeverinë dhe mazhorancën të shkojnë me

Ish-kryeministri Sali Berisha

Ish-kryeministri Sali Berisha u shfaq në Parlament ditën e martë, duke thënë se ishte rikthyer dhe ata e dinin se çfarë ndodhte, por nuk dha në peshën mediatike fjalët e doktorit në lidhje me buxhetin, amendamentet, debatet, etj.

Megjithatë, në media dhe në opinion publik ra në sy kurthi që ngriti doktori.Në daljen e tij nga seanca plenare, Berisha tha se deputetët e PS-së jetojnë në luks të shfrenuar.

“Kjo është një elitë e botës së krimit, e inkriminuar e cila jeton vetëm në luksin e shfrenuar. Ndaj dhe nuk ka shpresa që të ketë ndryshime. Këta janë njerëz që nuk dëgjojnë as zërin e Zotit, as të xhamisë, as të kishës, as të teqesë, të njeriut. Janë verbuar nga luksi. Këta janë një grup bixhozxhinjsh që lënë shuma përrallore në kazino dhe mejhane dhe nuk duan t’ia dinë për pensionet.

Kryetari i Partisë Demokratike, Sali Berisha, duke folur për gazetarët jashtë sallës së Parlamentit

Unë shkoj aty në platformë, mezi qëndroj nga aromat, nga gërshetimi i aromave të parfumeve më të kushtueshme. Aty bëhet një paradë luksi, bizhush, parfumesh sikur je në një sallon mode dhe jo në një parlament përfaqësues të qytetarëve”, u shpreh kreu i PD-së.

Edhe sot, në një dalje tjetër ish-kryeministri përmendi çantat e shtrenjta dhe veshjet luksoze.

Kurthi i Berishës është shumë domethënës. Tani ai pret që mazhoranca të reflektojë. Zonjat e Parlamentit ndoshta nuk duhet të kenë më veshjet luksoze, do ketë nga ata burra me kostume 5 mijë euro që do të detyrohen të shkojnë me pizhama, ose do të detyrohen të blejnë kostume me 30 apo 50 mijë lekë për të justifikuar vajtjen në seancë plenare.

Deputetët dhe ministrat në seancë plenare

Ndoshta kurthi i Berishës do ta detyrojë mazhorancën të shkojë me pizhama në Parlament, për të treguar se është e ndershme sepse me rrogat që ata kanë ndoshta mund të kenë edhe me pizhama të shtrenjta që mund të shkojnë 1 mijë apo dy mijë euro. Në rastin më të keq mund t’ju thonë se nuk mund të shkojnë në Parlament me atë veshje.

Gjithsesi, doktori e bëri kurthin e tij dhe ajo që bie në sy është fakti se shumë nga zyrtarët e mazhorancës kanë filluar të shqetësohen për mënyrën si janë paraqitur në Parlament./ CNA