web counter
LEXO PA REKLAMA!

SHKARKO APP

App Store
Google Play

E fundit!

x

Braçe shpërthen ndaj Zhupës: Ti duhet të hetohesh, dukesh si ruse, por s’je

5 Dhjetor 2024, 10:58, Politikë CNA

Braçe shpërthen ndaj Zhupës: Ti duhet të hetohesh, dukesh

Deputeti i PS-së, Erion Braçe, i është përgjigjur me tone shumë të ashpra deputetes së PD-së, Ina Zhupa, pasi kjo e fundit u shpreh në sallë se qeveria po ushtron presion mbi mediat në lidhje me transparencën e vrasjes së 14-vjeçarit.

Braçe sqaroi se nuk ka kërkuar që të hetohen mediat, por krimi. Ai tha se do të kërkojë që autoritetet të hetojnë dizinformimin publik dhe në këtë rast deputeten Ina Zhupa, pasi sipas tij po dezinformon publikun nga salla e Kuvendit të Shqipërisë.

Më tej nuk ngurroi të ironizonte Zhupën duke thënë se deklaratat e tij janë aq të qarta sa është e qartë se Zhupa duket si ruse, por nuk është ruse.

“Nuk kam kërkuar të hetohen mediat, por krimi. Do të kërkoj që autoritetet të hetojnë dezinformimin që ka qëllim të pastër politik. Ti duhet të hetohesh për dezinformim që e bën hapur në sallën e Kuvendit të Republikës së Shqipërisë. Që ti nuk di të lexosh këtë e di, por që nuk dëgjon është problem tjetër, është problem i madh mental. Deklaratat janë publike, merri, zbardhi, dëgjoji dhe është shumë e qartë, siç është e qartë se ti dukesh si ruse, por s’je ruse”, tha Braçe./ CNA





Lajmet e fundit nga