web counter
LEXO PA REKLAMA!

SHKARKO APP

App Store
Google Play

E fundit!

x

Gaz Bardhi-Elisës së “inceneratorëve”: Keni fshehur draft-opinionin e Komisionit të Venecias

5 Dhjetor 2024, 10:27, Politikë CNA

Gaz Bardhi-Elisës së “inceneratorëve”: Keni fshehur

Seanca e sotme parlamentare ka nisur me disa kërkesa të kreut të grupit të PD-së Gazment Bardhi i cili pretendon se draft-opinioni i Komisionit të Venecias po fshihet qëllimisht nga mazhoranca.

Ai i është drejtuar Elisës së inceneratorëve duke thënë se e ka detyrim të ndajë draft-opinionin me opozitën.

Nga ana tjetër Bardhi tha se nuk ka ndodhur ndonjëherë më parë që delegacioni që përfaqëson Shqipërinë në Komisionin e Venecias të jetë me anëtarë vetëm nga mazhoranca.

Nga ana tjetër Elisa Spiropali, ose siç njihet ndryshe Elisa e inceneratorëve e mohoi të ketë një dokument me opinion nga Venecia për çështjen e Olta Xhaçkës.

Debati në parlament:

Bardhi: Nuk i keni vënë në dispozicion draft-komisionin e Venecias për Olta Xhaçkën. Juve mund të mos ju ketë pëlqyer draft-opinioni dhe e keni fshehur, e keni detyrim që t’ia jepni dhe opozitës.

Së dyti nuk keni ndërtuar delegacionin që do përfaqësojë Kuvendin gjatë shqyrtimit në Komisionin e Venecias. Ndodh për herë të parë që delegacioni të përbëhet vetëm nga mazhoranca.

As Ruçi nuk ka guxuar të krijonte një delegacion të përbërë vetëm me deputetët e mazhorancës.

Spiropali: Nuk ka asnjë dokument të Komisionit të Venecias për të ndarë sapo të kemi një të tillë do ta ndajmë. Nuk ka asnjë draft. Nesër është seanca, bëhet publike dhe të gjithë deputetët do ta kenë./ CNA





Lajmet e fundit nga