web counter
LEXO PA REKLAMA!

SHKARKO APP

App Store
Google Play

Veliaj e pranon/ “SPAK po më heton mua dhe familjarët”

6 Dhjetor 2024, 20:47, Politikë CNA

Kryebashkiaku i Tiranës, Erion Veliaj ka reaguar në rrjetet sociale në lidhje me kontrollet e kryera këtë të premte në banesën dhe zyrat e tij e të bashkëshortes së tij, Ajola Xoxa, si dhe në banesën e vëllait të tij, Arbër Veliaj.

Veliaj ka pranuar për herë të parë hetimin pasuror të SPAK-ut ndaj tij dhe ndaj familjarëve të tij.

Ai ka ngritur akuza ndaj opozitës dhe mediave, kur në fakt as njëra dhe as tjetra nuk bëjnë dot kontrrolle dhe procedura hetimore, por vetëm denoncojnë korrupsionin dhe skandalet në bashkinë e drejtuar nga Veliaj.

“Duke marrë shkas nga zhvillimet e ditës së sotme, hapat procedurale të kryera nga prokuroria e posaçme në lidhje me hetimin pasuror që po kryhet ndaj meje dhe familjarëve të mi, jo vetëm janë të mirëpritura, por edhe i mbështes në çdo hap.

U bë një kohë e gjatë që hetimin dhe gjykimin tim e bëjnë opozitarët e zhytur në llumin e korrupsionit dhe të “ashtuquajturat media”, që luftojnë çdo zyrtar e funksionar publik që nuk bie prè e presioneve dhe shantazheve të tyre për përfitime të padrejta.

Familjarët e mi dhe unë, si qytetar i këtij vendi, por njëkohësisht edhe në cilësinë e kryetarit të Bashkisë së Tiranës, do të jemi gjithmonë të hapur për çdo veprim dhe vendim të institucioneve të drejtësisë, por duke përbuzur njëkohësisht me neveri çdo të pavërtetë, që ka si qëllim dëmtimin e imazhit tim dhe familjarëve të mi, si dhe duke përhapur, mbi të gjitha, disinformacione edhe mbi vetë punën e këtyre institucioneve.

Unë nuk bëj pjesë në atë kastë të vjetër politike që, për shumë kohë, e vendosën veten mbi ligjin, mbi drejtësinë dhe mbi llogaridhënien institucionale. Të gjithë këta që i kanë borxhe drejtësisë, rrokin flamurin e përkrahjes së drejtësisë kur në përputhje me ligjin dhe vendimet e gjykatave kryhen veprime procedurale në kuadër të hetimeve, dhe e sulmojnë atë me çdo mjet tashmë që drejtësia ka filluar të veprojë mbi ta, duke thyer kështu tabunë shumë vjeçare të mosndëshkueshmërisë”, ka theksuar Veliaj./ CNA

Veliaj e pranon/ “SPAK po më heton mua dhe familjarët”





Lajmet e fundit nga