web counter
LEXO PA REKLAMA!

SHKARKO APP

App Store
Google Play

Veliaj dje kishte shansin të bëhej kryeministër

7 Dhjetor 2024, 12:07, Politikë Elvi FUNDO
Veliaj dje kishte shansin të bëhej kryeministër
Kryebashkiaku i Tiranës, Erion Veliaj. Burimi: LSA

Kryebashkiaku i Tiranës, Erion Veliaj ka reaguar dje pas veprimeve aktive të SPAK-ut, në lidhje me hetimin e pasurisë së tij.

Në mëngjes, kur Ajola Xoxës iu paraqitën oficerët e BKH-së, Erion Veliaj u trondit dhe postonte edhe tigra si trim nga Hamburgu, por në mbrëmje, kur u kthye në Tiranë, mesa duket i erdhën disi mendtë e kokës.

Gjithsesi, ai vazhdon të bëjë të njëjtat gabime dhe të njëjtat budallallëqe që ka bërë gjithmonë, duke menduar se ai është i gjithëpushtetshëm dhe i paprekshëm.

Veliaj bëri një reagim, ku akuzoi mediat, a thua se janë ato përgjegjëse për hajdutëritë e “5D”-së, inceneratorëve, 5 majin, pasurinë e tij të shfrenuar dhe intrigat e tij të fëlliqura politike.

Në reagimin e tij, Veliaj thonte se ishte një kastë e vjetër politike dhe ky i përkiste brezit të ri të politikanëve, që e pranonte hetimin.

Në fakt, brezi i vjetër, njëri u mbyll në ballkon, tjetri është në burg, shumë të tjerë po hetohen apo janë arrestuar. Ky djali i këtij brezit të ri dje kishte shansin të vendoste standardin e politikanëve të rinj, por Erion Veliaj nuk është një politikan i ri, është një hajdut i vjetër në detyrë.

Veliaj dje kishte shansin të bëhej kryeministër
Kryebashkiaku i Tiranës, Erion Veliaj. Burimi: LSA

Antonio Costa, ish-kryeministri i Portugalisë, i cili tashmë është një nga zyrtarët më të lartë të BE-së, dha dorëheqjen nga detyra e tij për shkak të një hetimi që kishte filluar prokuroria, kishin shkuar te shefi i tij i kabinetit dhe si një qytetar europian dhe dinjitoz dha një shembull të fortë.

Costa dha dorëheqjen dhe tha se për sa kohë po hetohem, sa të përfundojnë hetimet jam në shërbim të drejtësisë. Tek ne kush ta japë zdromsi?

Veliaj dje kishte shansin të bëhej kryeministër
Antonio Costa

Erion Veliaj nuk e bëri këtë, nuk e dha dorëheqjen, por u mbrojt duke hedhur helmin e tij të intrigave.

Që të tregonte se ishte një politikan i brezit të ri europian, Erion Veliaj dje duhet të kishte dhënë dorëheqjen sepse SPAK kishte shkuar në shtëpinë e tij, jo në shtëpinë e shefit të kabinetit, kishte shkuar te bashkëshortja e tij, që ai e shiti në mënyrën më të pistë dhe të neveritshme, kishte shkuar te vëllai i tij, Arbër Veliaj. (Lexo këtu)

Asnjëri prej tyre, as Ajola Xoxa, as Arbër Veliaj nuk janë subjekte të SPAK-ut, vetëm në rast se janë pjesë të grupeve kriminale, gjë që nuk është e tillë.

Veliaj dje kishte shansin të bëhej kryeministër

Është Erion Veliaj subjekt i SPAK-ut dhe ata po hetohen për shkak të Erion Veliajt. Që të çlironte bashkëshorten, zonjën e tij, vëllain e tij dhe qytetarët, Erion Veliaj dje duhet të kishte dhënë dorëheqjen. Dje ai mund ti hapte rrugën vetes për tu bërë kryeministër nesër, në fakt zgjodhi fundin e tij politik tashmë të lexuar.

Veliaj nuk e bëri këtë sepse nuk është një politikan i brezit të ri europian, nuk mund të dalë dot në lartësinë e një qytetari, të një intelektuali, për të ecur përpara, ndoshta edhe për t’u bërë nesër kryeministër, pse jo?

Mjaftonte të dorëhiqej, të shkonte para drejtësisë, të pastronte veten nga akuza dhe të kthehej si një lider për të çuar Shqipërinë përpara.

Por një zdroms nuk bëhet dot lider, do të mbetet në kanalet e pista të intrigave të tij, ku përjetësisht nuk do ta pastrojë kurrë fytyrën./ CNA





Lajmet e fundit nga