web counter
LEXO PA REKLAMA!

SHKARKO APP

App Store
Google Play

Topalli: Berisha si Trump, u rikthye në politikë për herë të tretë

6 Dhjetor 2024, 21:53, Politikë CNA
Topalli: Berisha si Trump, u rikthye në politikë për herë
Drejtuesja politike e PD-së për Diasporën, Jozefina Topalli

Drejtuesja politike e PD-së për Diasporën, Jozefina Topalli, ka krahasuar rastin e ish-kryeministrit Sali Berisha me atë të Presidentit të zgjedhur të SHBA-ve, Donald Trump.

Topalli tha në një inetrvistë me Merita Haklajn se ashtu si Trump, edhe Berisha u rikthye në skenën politike.

Ajo deklaroi se rikthimi i tretë i Berishës ka ndodhur tani, pas ardhjes së tij në pushtet në vitin 1992 dhe në vitin 2005.

“Po mendoja Trump në SHBA, ndoshta përpara një viti kur ai ishte nën akuzë, kur i bënin foto si i dënuar, si i akuzuar, askush nuk mendonte se ai ishte në pushtet. Dhe mosha është e njëjtë dhe është rikthyer praktikisht në pushtet. Rikthimi i tretë i Berishës faktikisht ka ndodhur.

I pari në 91, i dyti pas 97 dhe i treti tani. Para pak ditësh një e njohur imja më çoi një video në TikTok, unë s'kam TikTok. Më kujtohej që ishte periudha e 2021 kur e shpallën non grata, kur Basha me vendim personal e përjashtoi nga partia. Dhe më morën në një emision televiziv dhe më thanë çfarë do bëhet.

Unë i thashë që kam një eksperiencë nga viti 1997, kur Berishën të gjithë e izoluan, ishte më keq se shpallja non grata, kur PD ishte izoluar. Dhe askush nuk besonte se mund ta çonte këtë forcë drejt pushtetit dhe erdhi 2005. E drejta ndonjëherë duket e vështirë në horizont, por nuk është e paarritshme. Procesi ndaj Berishës është iniciuar nga Qeveria”, theksoi Topalli./ CNA





Lajmet e fundit nga