E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Fundi pa lavdi i një lakmiqari të pa-kufi

7 Dhjetor 2024, 09:31, Opinione Hysni Gurra

Fundi pa lavdi i një lakmiqari të pa-kufi

Erion Veliaj

Nuk bëj pjesë te besimtarët në SPAK, as ata në Amelikë, as, as, as…po besoj në Zot dhe në të drejtën, atë që llogjika ime e kupton si të drejtë.

Me këtë dua të theksoj që në hyrje që nuk besoj aspak se SPAK do të bëjë drejtësi duke arrestuar Erion Veliaj për milionat që janë firmosur nga dora e tij dhe dyshohet se kanë shkuar në familjen e tij dhe jo në dobi të qytetarëve.

Por besoj se edhe pse s’ka drejtësi në Shqipëri, ka Zot.

Dhe futja e detyruar e Veliajt në hetim pasuror familjarisht është një ngjarje që atij mund t’i bëjë dobi personalisht, por politikisht e ka vrarë përgjithmonë.

Erion Veliaj hyri në politikë nga rruga, shoqëria civile e Sorosit.

Iu imponua me dhunë partisë më të madhe opozitare të kohës.

Mori suportin më të pashembullt nga njeriu më i fuqishëm më atë parti, Edi Rama.

Falë këtij suporti mori postet më të rëndësishme dhe iu ngjit PS me dhunë si qelizë kancerogjene.

Karriera e Veliajt është e mbushur me hile, servilizma, propagandë të gënjeshtërt nga A-ja te ZH-ja dhe një lakmi e pashembullt.

Ngriti kurthe rrugës për shokët, krijoi struktura paralele, filloi të vjedhë për hesap të vet dhe lakmia e tepërt e gënjeu se me para, me mbështetje nga ambasadorë të korruptuar do t’ia dilte t’i merrte partinë Edi Ramës.

Por në këtë pikë, kur vjen puna te hajnia, intriga e mosmirënjohja Edi Rama është i pakonkurueshëm. Po duke qenë se Veliaj është njeri i palexuar, i paformuar intelektualisht…nuk arriti kurrë ta njihte njeriun me të cilin ndenjti ngjitur, gati i hyri nën lëkurë për më shumë se 15 vite.

Dhe ja ku jemi, Erion Veliaj sot është i mbaruar politikisht, karriera e tij politike ka marrë një goditje thuajse të parikuperueshme.

Ai me gjasë do t’i shpëtojë ndëshkimit ligjor nga SPAK, pasi ky nuk është as qëllimi i Edi Ramës, që ta shohë në burg.

Nëse ambicia e Veliajt ka qenë të bëhej një ditë kryetar i PS dhe kryeministër i Shqipërisë, kjo ambicie ka vdekur. Nëse ambicia e tij ka qenë që të bëhet i pasur si Lul Basha, kjo është përmbushur.