web counter
LEXO PA REKLAMA!

SHKARKO APP

App Store
Google Play

E fundit!

x

“Nga inceneratori, lidhje me mafian italiane apo shembja e Teatrit”/ Xama rendit kallëzimet ndaj Veliajt

9 Dhjetor 2024, 22:56, Aktualitet CNA
“Nga inceneratori, lidhje me mafian italiane apo shembja e Teatrit”/
Erion Veliaj

Gazetarja Ola Xama renditi mbrëmjen e sotme kallëzimet që janë bërë në SPAK ndaj kryebashkiakut të Tiranës, Erion Veliaj.

Një nga kallëzimet është ai i megaaferës së inceneratorit inekzistent të Tiranës.

Gjithashtu, kallëzime të tjera ka për korrupsionin me "5D"-në, për lejet e ndërtimit, për rindërtimin, për lidhje me mafian italiane, për shembjen e Teatrit Kombëtar dhe për mbjelljen e pemëve anash autostradës Tiranë-Durrës. 

"Erion Veliaj si kryetar i Bashkisë së Tiranës është disa herë i kallëzuar për inceneratorin e Tiranës. Është kallëzuar nga Belind Këlliçi për kompaninë '5D Contruksion'  e drejtorëve të bashkisë që merrte tenderat nga vetë bashkia. Edhe Gjykata e Shkallës së Parë ka lënë të hetohet Veliaj. Kemi çështjen e Rindërtimit për prishjen e pallateve të vjetra për të favorizuar kompanitë e lidhura me ta si dhe ngritja e kompanitë publike 'Tirana DC' që deri sot vetëm ka prishur 2.3 milionë euro.

Ka edhe një kallëzim që ka bërë Nisma Thurje për përgjimet e Ndragetës ku kanë folur për pastruar paratë me vlerën 180 milionë euro dhe janë dhënë 3 leje ndërtimi në Tiranë ku është përfshirë edhe Veliaj. Kallëzim ka patur edhe nga Aleanca për Teatrin për shembjen e Teatrit Kombëtar në vitin 2020.

Ka qenë edhe një hetim për Sheshin 'Skënderbej' ku përfituesi i kontratës ka qenë kompania 'Fusha', ku nënkryetarit të bashkisë iu sponsorizua edhe udhëtimi dhe fjetja në Spanjë.

Ka qenë edhe kallëzimi për mbjelljen e pemëve anash autostradës Tiranë-Durrës, kur një pishë bëri 5500 euro, një kontratë 2.6 milionë euro që fitoi sërish kompania 'Fusha'", theksoi Ola Xama./ CNA





Lajmet e fundit nga