web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Shëndetësisë, për CNA: 5 nxënës, probleme shëndetësore nga tullumbacet e azotit

10 Dhjetor 2024, 21:54, Aktualitet CNA
Ministria e Shëndetësisë, për CNA: 5 nxënës,
Ministria e Shëndetësisë

Prej javësh, CNA ka ngritur shqetësimin e përhapjes në masë të përdorimit të drogave dhe uljen e kufirit të moshës. CNA dërgoi edhe kërkesë për informacion në autoritetet përgjegjëse, për të dhëna që lidhen me rritjen e përdorimit të drogërave.

Pas Ministrisë së Arsimit dhe Sporteve dhe Policisë, kërkesës për informacion i është përgjigjur ministria e Shëndetësisë. Kjo e fundit bën me dije se numri i pacientëve që janë trajtuar në Shërbimin e Adiktologjisë dhe Toksiokologjisë Klinike pranë QSUT-së gjatë vitit 2023 ka qenë 491, prej të cilëve 328 janë pacientë të hospitalizuar dhe 163 të trajtuar ambulatorisht.

Ndërkohë, përgjatë periudhës Janar-Nëntor 2024, nga ky shërbim janë trajtuar rreth 346, prej të cilëve 180 pacientë janë trajtuar ambulatorisht.

Numri më i madh i përdoruesve të drogës në vendin tonë, që ka marrë trajtim në Shërbimin e Adiktologjisë dhe Toksiokologjisë, kanë qenë nga qarku i Tiranës.

Përsa i përket numrit të nxënësve të shkollave të mesme dhe 9-vjeçare të trajtuar si përdorues të lëndëve narkotike, gjatë periudhës 2023-2024 janë regjistruar 5 fëmijë të kësaj grupmoshe. Ata kanë pasur çrregullime të shëndetit mendor.

Sipas ministrisë, këto probleme kanë ardhur si pasojë e përdorimit të “tullumbaceve”, ose oksidit të azotit, përdorimi i së cilit shënoi një rritje të ndjeshme vitin e fundit.

Ministria e Shëndetësisë, për CNA: 5 nxënës,
Ministria e Shëndetësisë

Megjithatë, Ministria e Shëndetësisë thotë se lënda narkotike më e përdorur nga të rinjtë është kanabisi. Por rezulton se pacientët më të shumtë në numër, që janë paraqitur për ndihmë të specializuar, kanë qenë përdorues të kokainës, kryesisht persona mbi 18 vjeç.

Në përgjigjen për CNA, MSH bën me dije se mosha më e shpeshtë që i nënshtrohen terapisë për trajtimin e çrregullimeve të përdorimit të drogave, është ajo ndërmjet 25-35 vjeç.

Po ashtu thotë se po trajtohen rreth 782 persona pranë Njësive të Trajtimit Mbajtës me Metadonë në 12 qarqet e vendit.

Ministria e Shëndetësisë tregon se trajtimi i pacientëve, përfshirë të rinjtë, nis me vlerësimin e situatës klinike, nëpërmjet ekzaminimeve të ndryshme që kryhen, si dhe kryerjes së konsultave ndërdisiplinore me specialist të ndryshëm, sipas nevojave të pacientit./ CNA

Ministria e Shëndetësisë, për CNA: 5 nxënës,

Ministria e Shëndetësisë, për CNA: 5 nxënës,

Ministria e Shëndetësisë, për CNA: 5 nxënës,





Lajmet e fundit nga