web counter
LEXO PA REKLAMA!

SHKARKO APP

App Store
Google Play

E fundit!

x

Sa para u gjetën në zyrat e Ajola Xoxës?

10 Dhjetor 2024, 18:23, Aktualitet CNA
Sa para u gjetën në zyrat e Ajola Xoxës?
Erion Veliaj dhe Ajola Xoxa

Tri ditë më parë, BKH ushtroi kontrolle tek familjarët, me urdhër të GJKKO-së, në lidhje me hetimin pasuror që po kryhet nga SPAK-u ndaj kryebashkiakut të Tiranës, Erion Veliaj. (Lexo këtu)

Kontrolle u kryen në shtëpinë e kryebashkiakut të Tiranës, ku është marrë edhe telefoni i zonjës Ajola Xoxa. Më pas është kontrolluar edhe “Harabel”-i, OJF-ja e saj e famshme, e krijuar për pasionet e një juristeje, siç është Ajola Xoxa. (Lexo këtu)

Te “Harabel”-i janë gjetur një shumë e madhe parash, për të cilat nuk janë dhënë sqarime, pasi me ndërhyrjen e avokatëve zonja Xoxa iu ka thënë hetuesve se janë shuma parash të dhëna nga bashkëshortja e një biznesmeni.

Sa para u gjetën në zyrat e Ajola Xoxës?
Ajola Xoxa

Vetë avokatët më pas kanë kërkuar të mos jepen sqarime dhe qëndrimet e tyre t’i mbajnë në prokurori.

Ish-kryeministri Sali Berisha ka thënë në një konferencë për shtyp 230 -240 mijë euro.

Gazetarja e kronikës, Klodiana Lala, në qëndrimin e saj publik ka thënë shumën prej 80 mijë eurosh, e cila është më afër së vërtetës. 

Ka edhe një tjetër informacion jo të konfirmuar se vlera mund të jetë rreth 200 mijë euro.

Në fakt, nuk ka aspak rëndësi shuma e parave që i janë gjetur Ajola Xoxës. Mund t’i ishin gjetur edhe 10 mijë euro.

Rëndësi ka burimi i tyre, çfarë janë ato para, përse janë përdorur, pasi Ajola nuk ka vetëm “Harabel”-in dhe këto shuma parash./ CNA





Lajmet e fundit nga