web counter
LEXO PA REKLAMA!

SHKARKO APP

App Store
Google Play

Pse Lorenc Vangjeli mbron lekët e Erion Veliajt?

10 Dhjetor 2024, 14:05, Politikë CNA
Pse Lorenc Vangjeli mbron lekët e Erion Veliajt?
Lorenc Vangjeli

Mjaftonte të shikoje emisionin e Çim Pekës dje te “Syri TV” për të kuptuar se Lorenc Vangjeli në të gjithë artikulimin e tij bëri vetëm një lëvizje thelbësore në mbrojtje të Erion Veliajt.

Ai deklaroi se vëllai i Erionit, Arbri, i kishte siguruar paratë nga bizneset e tij jashtë vendit edhe në Shqipëri. Aktualisht ndodhej në Vjenë prandaj s’ka qenë atje ditën e kontrolleve.

Pra, tregon se ka një lidhje të Lorenc Vangjelit, por ka dhe një hall të tij, hallin e lekëve të Erion Veliajt.

Arbër Veliaj e ka ngritur kompaninë e tij pas ardhjes së Erionit si kryetar bashkie. Arbër Veliaj ka shtuar kompanitë me kompani të cilat kanë fituar tenderë dhe para publike në Bashkinë e Tiranës. Arbër Veliaj është përfaqësues dhe i kompanive të cilat kanë koncesione në qeverinë në pushtet. (LEXO KETU)

Arbër Veliaj shpërndan reklamat nëpër media dhe blen influencën me paratë e privatit për vëllain e tij kryebashkiak. Është fakt që shpërndarja e reklamave është totalisht klienteliste me audiencë të pamonitoruar dhe bëhet në një pjesë të madhe nga Arbër Veliaj.

Shumë para shkojnë te kompania e Arbër Veliajt edhe nga biznese private, por këto para më pas shpërndahen si reklama në media dhe listëpagesën e ka Arbër Veliaj.

Pra, thesi i reklamave që shpërndahen në media është tek Arbër Veliaj. Por ky nuk është vetëm thesi i Arbrit. Prandaj ka merakun Lorenc Vangjeli. Ky thes i biznesit privat i Arbër Veliajt që mbron Lorenc Vangjeli duhet edhe për të tjera qëllime.

Duhet dhe për të paguar hallet e avokatëve se kushtojnë shumë ndaj dhe i mbron Lorenci lekët, sepse nuk e bën veprimin thjesht edhe vetëm për ndonjë reklamë që merr në portalin e tij apo ndonjë pagesë nga kryebashkiaku Erion Veliaj apo vetë Arbër Veliaj.

Lorenci ka një tjetër hall që ai e di mirë. Kanë filluar procedura të mëdha ligjore dhe duhet paguar studioja ligjore. Studio ligjore e Fatmir Xhafajt dhe njerëzve të lidhur me të, duhet të marrë lekët. Do fillojnë ankimimet, do fillojnë procedurat, do t’i bëjnë të gjitha letrat gati për deri në Strasburg, që ta kenë qoftë dhe për një ditë të zezë.

Ndaj dhe Lorenci ka hallin e lekëve se, do paguhen avokatët, janë me qindra mijëra euro që duhen në këto procese.Me paratë që ka deklaruar Erion Veliaj nuk paguan dot as pastruesen e studios ligjore të Fatmir Xhafajt dhe të tijve.

Ndaj dhe halli më i madh është të mbrojnë lekët e Arbrit se duke mbrojtur lekët e Arbrit  vijnë lekët në xhepat e tyre.Dhe kuptohet më kryesorët dhe përfituesit do të jenë avokatët që do të çojë Fatmir Xhafaj për të mbrojtur Erion Veliajn./ CNA

 





Lajmet e fundit nga