VIDEO-Si e paralajmëroi Rama fundin e Veliajt

8 Dhjetor 2024, 16:36, Politikë CNA

VIDEO-Si e paralajmëroi Rama fundin e Veliajt

Edi Rama dhe Erion Veliaj

Kryeministri Edi Rama e ka lëshuar prej kohësh Erion Veliajn dhe e ka paralajmëruar vite më parë fundin politik të kryebashkiakut.

Gjatë një konference për shtyp të dhënë vite më parë përballë gazetarëve, kryeministri deklaronte:

“Erion Veliaj mund të dalë në televizor sa të dojë, mund të mbjellë pemë sa të dojë, por një ditë në një nga ato pemë do të varet, do të varet si shembull që në këtë parti grupet armiqësore vazhdojnë të marrin goditjen e duhur”.

View this post on Instagram

A post shared by CNA.al (@cna.al)

Kryeministri, prej kohësh nuk e konsideron me Erion Veliajn ndaj e la mënjanë, duke i besuar drejtimin e Tiranës, Ogerta Manastirliut, Elisa Spiropalit dhe Blendi Gonxhes.

Në të gjitha daljet e tij publike, Rama ka qenë i qartë në mesazhet e tij, që kushdo ka probleme me drejtësinë le t’i zgjidhë vetë.

“Prandaj qentë le të lehin, Shqipëria do të shkojë përpara, me qeverinë e Partisë Socialiste që do të ecë vetëm përpara, me Drejtësinë e Re që duhet të vazhdojë vetëm përpara, pa i lënë kusur askujt që përdor flamujt e partive, majtas e djathtas, lart apo poshtë, për të nxjerrë përfitime të paligjshme për veten a të afërmit e vet, duke punuar për shtetin me një xhep të dukshëm për të ardhurat nga puna dhe me një xhep të fshehtë për paratë e marra me korrupsion”, ka thënë Rama në një nga deklaratat e tij, pasi SPAK po hetonte thellësisht aferat korruptive në të cilat dilte dhe emri i Erion Veliajt.

Por përpos këtyre kryeministri Rama e ka lënë në hije Veliajn në të gjitha takimet e tij si në Shqipëri ashtu dhe në turin në Diasporë.

E ka injoruar duke e fshirë dhe nga fotot e takimeve me personazhe të rëndësishme dhe në aktivitete.

Foto-Video/ Rama injoron Erion Veliajn
26 Maj, 13:10

Ndaj dhe video më lart tregon se si Rama e kishte paralajmëruar fundin politik të Veliajt shumë vite më parë, të cilit së fundi oficerët e BKH-së i kanë kontrolluar banesën, zyrën, i kanë sekuestruar telefonin e bashkëshortes Ajola Xoxa si dhe vëllait të tij Arbër Veliaj, ndërkohë që SPAK po vazhdon hetimet për dosjet e nxehta./ CNA