web counter
LEXO PA REKLAMA!

SHKARKO APP

App Store
Google Play

Berisha: Veliaj është hienë, nuk i përshtatet tigri

7 Dhjetor 2024, 12:47, Politikë CNA

Kryetari i Partisë Demokratike, Sali Berisha, foli për kontrollet e BKH-së në banesën e kryebashkiakut të Tiranës, Erion Veliaj dhe për reagimin e këtij të fundit.

Gjatë një bashkëbisedimi me qytetarët, Berisha përmendi videon me tigrin, të publikuar nga Veliaj.

Ai deklaroi se kryebashkiakut të Tiranës i përshtatet më mirë hiena dhe jo tigri.

Statusin e Veliajt, kreu i PD-së e cilësoi si një kërcënim për kryeministrin Edi Rama.

“Do të ndalem shkurtimisht, por edhe në një betejë tjetër, që u zhvillua dje, në orët më të para të mëngjesit dhe gjatë ditës këtu në vend, betejë të cilën mediat e pavarura e cilësuan si një betejë midis Kodrës së Diellit dhe Sarajeve të Surrelit, dhe me një element të veçantë, ultimatumin ‘Dabulla’.
Çfarë ndodhi dje?
Dje në orët e para të mëngjesit, ekipe të tëra të Skapit mësynë në shtëpinë e banimit të lali vjedhësit. Por dera e banesës nuk u hap të paktën për 1 orë e gjysmë.
Ekipet që kishin shkuar aty me mandat gjykate për të ushtruar kontroll dhe të gjitha veprimet, nuk guxuan të hapnin derën me forcë siç kërkon rregulli.
Por u prit gjersa në derë u paraqit një personazh, që askush nuk e imagjinonte se do të mund të ishte ai që do të hapte derën. Nuk ishte i vëllai i zonjës Veliaj, nuk ishte as kunati i saj, nuk ishin familjarët, nuk ishin punonjësit e bashkisë.
Por aty u paraqit Alban Dabulla, si i plotfuqishëm dhe vetëm pas paraqitjes së Dabullës, dera u hap.
Ndërkohë, Erion Veliaj nga Hamburgu në statusin e tij të parë u fotografua me një tigër, në fakt më mirë të kishte vendosur një hienë, se hiena i përshtatet atij. Por tigri ishte simbol i forcës dhe kërcënimit dhe natyrisht ndaj sarajeve të Surrelit dhe Edi Ramës.
E vërteta është se në këtë betejë, me kode mafioze që vazhdoi gjithë ditën, Alban Dabulla me ultimatumin e tij, luajti një rol përcaktues. ”, u shpreh ai./ CNA





12:28 Politikë

Dybeku i zdromsit

I vetëquajturi zdroms i Tiranës, kryebashkiaku nën hetim n...

Lajmet e fundit nga