web counter
LEXO PA REKLAMA!

SHKARKO APP

App Store
Google Play

E fundit!

x

Trump, në Shtëpinë e Bardhë/ Bushati dhe Joseph, parashikime për ndryshimet në Ballkan

7 Dhjetor 2024, 16:47, Politikë CNA

Trump, në Shtëpinë e Bardhë/ Bushati dhe Joseph, parashikime

Ish ministri i Jashtëm, Ditmir Bushati, në serinë e radhës të “podcast”-it të tij “Public Square” kishte të ftuar Edward P. Joseph, nga shkolla për studime të thelluara ndërkombëtare të Johns Hopkins (SAIAS), me të cilin bisedoi për rikthimin e Donald Turmp në Shtëpinë e Bardhë, ndryshimet e pritshme, si dhe ndikimin që do të kenë këto ndryshime në Europë dhe në Ballkanin Perëndimor.

Joseph theksoi se SHBA ngelet themeli i stabilitetit në Ballkanin Perëndimor, sepse SHBA-të e shprehin garancinë e tyre nëpërmjet NATO-s, por siguria tha ai nuk është gjithmonë e garantuar duke sjellë në vëmendje këtu rastin e Banjskës në veri të Kosovës.

“SHBA-të janë shtylla kurrizore, themeli i stabilitetit në rajon sepse SHBA-të e shprehin garancinë e sigurisë me anë të NATO-s. Kjo krijon themelin e sigurisë në rajon dhe vendos një barrier ndaj cilitdo që bën përpjekje për përshkallëzime të mëdha. Nuk është 100%, pasi pamë se çfarë Beogradi bëri me Banjskën, i cili është një rast shumë i rëndë në shtatorin 2023, pak më shumë se një vit më parë. Pra, ne e pamë se si edhe kur NATO-ja është e pranishme mund të bëhen përpjekje për të bërë ndryshime rrënjësore në dinamikat politike”, u shpreh ai.

Me ardhjen e Trumpit në pushtet, theksoi Joseph do të marrin fund predikimet moralizuese që jepen nga SHBA-të për vlerat demokratike.

Edward P. Joseph theksoi se duhet parë më nga afër ndryshimet në terren që do të ndodhin në rajon dhe për këtë duhet të presim 20 janarin kur Trump të marrë zyrartisht detyrën e Presidentit të Shteteve të Bashkuara të Amerikës./ CNA





12:28 Politikë

Dybeku i zdromsit

I vetëquajturi zdroms i Tiranës, kryebashkiaku nën hetim n...

Lajmet e fundit nga