E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

"Qeveria forcoi bandat kriminale"/ Vokshi, në takimin e Bashkimit Ndërkombëtar të Demokracisë

7 Dhjetor 2024, 18:45, Politikë CNA

"Qeveria forcoi bandat kriminale"/ Vokshi, në takimin e Bashkimit

Deputetja demokrate, njëherësh presidentja e Forumit të Gruas të PD-së, Albana Vokshi gjatë fjalës së mbajtur në takimin Bashkimit Ndërkombëtar i Demokracisë (IDU) në Uashington, bëri një pasqyrë të situatës politike në Shqipëri.

Vokshi tha se në Shqipëri mungojnë zgjedhjet e ndershme dhe të lira, të cilat nuk organizohen që kur Edi Rama erdhi në pushtet në vitin 2013.

Ajo bëri publik edhe artikullin e Zërit të Amerikës, ku thuhej se 1 në 4 votues në Shqipëri kanë ndryshuar votën, për shkak të presionit të administratës

"Zëri i Amerikës, që nuk është opozitë, është media zyrtare qeveritare në SHBA, ka publikuar një studim me një informacion tronditës: Një nga katër votues, e ka ndryshuar votën për shkak të presionit të administratës publike të këqpërdorur nga mazhoranca socialiste.

Në lidhje me krimin e organizuar: Kam këtu një hartë. Do të shihni këtu disa nga bandat kriminale në Shqipëri, të lidhura me Kryeministrin dhe mazhorancën socialiste. Ato e ndihmojnë për të fituar zgjedhjet, duke detyruar njerëzit të votojnë për mazhorancën socialiste.

Në hartë duket qartë që të njëjtat banda kriminale po drejtojnë trafikun e drogës nga Amerika Latine drejt porteve të ndryshme evropiane.

Pra, mazhoranca, i forcoi këto banda kriminale, i përdori për zgjedhje, dhe tani ato janë sshndërruar në rrezik jo vetëm për Shqipërinë, por për Evropën, Amerikën Latine.

Ajo çfarë ne kërkojmë, është mbështetje për zgjedhje të lira dhe të ndershme. Modeli maqedonas, i një qeverie kujdestare, mund të jetë një mundësi e mirë për ne për të pasur zgjedhje të lira dhe të ndershme.

Nuk është çështje emrash, është përtej individëve, është një çështje për hir të popullit shqiptar që dëshiron zgjedhje të lira dhe të ndershme, në mënyrë që të vendosë me votë se kush do të jetë qeveria e ardhshme", tha ndër të tjera Vokshi./ CNA