web counter
LEXO PA REKLAMA!

SHKARKO APP

App Store
Google Play

34-vjetori i nisjes së Lëvizjes Studentore/ Berisha: Diktatura nuk e ka jetën e gjatë

8 Dhjetor 2024, 11:56, Politikë CNA
34-vjetori i nisjes së Lëvizjes Studentore/ Berisha: Diktatura nuk e
Kreu i demokratëve, Sali Berisha

Ish-kryeministri dhe njëherazi kreu i Partisë Demokratike, Sali Berisha, ka mbajtur fjalën gjatë protestë-marshimit të të rinjve të FRPD-së.

Gjatë fjalës së tij, Berisha u shpreh se 34 vite më parë një grup studentësh kanë dalë në këtë shesh dhe kanë nisur protestën e parë studentore në historinë e vendit.

"Në vitin 1912, u shpall pavarësia e kombit dhe liria e tij. Në vitin 1944, më 28 tetor, populli ynë u çlirua nga një pushtim i jashtëm, për të rënë po atë ditë me nnjë pushtim të brendshëm barbar, më mizorin që kohërat kanë njohur në diktaturën staliniste të Enver Hoxhës.

Kjo diktaturë, në 46 vite të ekzistencës së saj vendosi mbi shqiptarët shtypjen më të egër që ata kishin njohur në tërë historinë. Vendosi diktaturën më të thellë të izolimit të tyre, sa kurrë ndonjëherë në histori. Vendosi tiraninë e urisë dhe skamjes që, shqiptarët s’e kishin njohur kurrë më parë nëpërmjet hiperkolektivizmit.

Rënia e murit të Berlinit dhe revolucionet demokratike të vitit 1989, pavarësisht prej tyre, Shqipëria mbetej siç e cilësonte partia staliniste dhe diktatori i fundi, si bastioni ose kështjella buzë Adriatikut e socializmit.

Regjimi, me propagandën e tij, fliste çdo ditë për demokratizimin, por vriste çdo javë të rinjtë, të cilët niseshin për të kaluar në botën e lirë. Dhe jo vetëm i ekzekutonte, por i sillte dhe i zvarriste kufomat e tyre në qytetet: Shkodër, Gjirokastër, Sarandë, Korçë, vetëm e vetëm për të terrorizuar popullatën.

Pikërisht, në këto rrethana, 34 vite më parë, një grup studentësh dalin në darkë në këtë shesh dhe nisin protestën e parë studentore në historinë e vendit. Rreshtojnë një seri kërkesash.

Po regjimi nuk e ka jetën e gjatë ashtu siç nuk do e ketë edhe regjimi i Edi Ramës."/CNA





12:28 Politikë

Dybeku i zdromsit

I vetëquajturi zdroms i Tiranës, kryebashkiaku nën hetim n...

Lajmet e fundit nga