web counter
LEXO PA REKLAMA!

SHKARKO APP

App Store
Google Play

Rama: Do të jemi vendi i parë që do të bëjmë prokurime pa njerëz

10 Dhjetor 2024, 11:00, Politikë CNA

Rama: Do të jemi vendi i parë që do të bëjmë

Kryeministri Edi Rama gjatë fjalës së tij në konferencën “Formësimi i së ardhmes së Govtech” deklaroi se në mandatin e ardhshëm Shqipëria do të jetë vendi i parë që do të bëjë prokurime pa njerëz, duke nënkuptuar se 90% e shërbimeve do të jenë online.

“Çfarë do të bënte Shqipëria nëse nuk do të ishim në nivelin e përparimit digjital ku na gjeti ajo goditje globale. Shqipëria që ne morëm përsipër të udhëheqim ishte një vend ku qeverisja digjitale nuk ishte akoma në degëzimet ajo që sot është porta e madhe e hyrjeve dhe daljeve të shqiptarëve në labirintet e administratës publike përmes kompjuterave dhe telefonit e-Albania ishte një qenie e papërfillshme me gjithë nevojat e administratës dhe qytetarëve me një numër qesharak shërbimesh.

Momenti i pandemisë bëri dhe atë që u kthye në një përqafim të plotë me teknologjinë dhe me qeverinë në kuptimin e qeverisjes së shërbimeve përmes e-Albania. 3.2 milionë përdorues që ndërveprojnë me e-Albania janë një shifër kuptimplotë dhe jo karakteristike edhe për vende shumë më të zhvilluara.

Ky është objektivi ynë për të kapur trenin e progresit dhe për të përparuar me një shpejtësi edhe më të madhe sesa ata që janë në trenin e progresit për të profesionalizuar sistemin e qeverisjes së shërbimeve.

Sot jemi në një fazë tjetër dhe diskutojmë për gjëra të tjera. Do të ishim sot në një situatë të ndryshme, ndërsa kur u goditëm nga pikëpamja kibernetike nga një prej fuqive më të mëdha në këtë drejtim tani nuk do të kishim qenë në gjendje të rezistonim po rezistuam.

Do jemi vendi i parë që do bëjmë prokurime me 90% pa njerëz”, tha Rama./ CNA





Lajmet e fundit nga