web counter
LEXO PA REKLAMA!

SHKARKO APP

App Store
Google Play

E fundit!

x

Mali me plehra në Elbasan/ PD: Inceneratori nuk funksionon, katastrofë ekologjike

9 Dhjetor 2024, 17:01, Politikë CNA
Mali me plehra në Elbasan/ PD: Inceneratori nuk funksionon, katastrofë
Anëtarja e Këshillit Bashkiak e Elbasanit, Doris Madhi

Anëtarja e Këshillit Bashkiak e Elbasanit, Doris Madhi ka denoncuar situatën me inceneratorin në këtë qytet.

Ajo theksoi se inceneratori nuk funksionon, por ekziston vetëm një mal me plehra që sa vjen dhe shtohet.

Inceneratori i Elbasanit i ka kushtuar buxhetit 26 milionë euro për t’u ndëtuar dhe 717 milionë lekë çdo vit , edhe pse nuk funksionin prej 3 vitesh.

Madhi nënvizoi se mali me plehra është një katastrofë ekologjike për qytetarët e Elbasanit.

“Kjo është hera e disatë pranë atij që quhet inceneratori i Elbasanit, por nuk mund të themi që funksionon si i tillë.

Prapa meje shikoni një grumbull me plehra që sa vjen e shtohet. Në fakt, bëhet fjalë për një kontratë, rezultati i një marrëveshjeje korruptive, e cila i ka kushtuar 26 milionë euro buxhetit të shtetit dhe tashmë grabit në mënyrë të vazhdueshme çdo vit qytetarët e Elbasanit, duke u marrë 717 milionë lekë nga buxheti i Bashkisë.

Ky incenerator, rezultat i kësaj kontrate dhe afere korruptive, tashmë nuk funksionon prej gati 3 vitesh. Në këto 3 vite ka funksionuar vetëm për rreth 4 muaj, dhe jo më shumë se kaq. Ai përfaqëson fytyrën e vërtetë të kësaj qeverie.

Shikoni prapa meje çfarë pamjeje katastrofale ka! Është një grumbull plehrash që jo vetëm përfaqëson qeverinë, por mbi të gjitha përfaqëson vullnetin e saj për t’i bërë keq qytetarëve të vet.

Siç mund të shihni, ky mal me mbetje nuk është gjë tjetër veçse një katastrofë ekologjike buzë lumit Shkumbin dhe është bomba e radhës për qytetarët e Elbasanit”, nënvizoi ajo./ CNA





Lajmet e fundit nga