web counter
LEXO PA REKLAMA!

SHKARKO APP

App Store
Google Play

E fundit!

x

Tregtimi i produkteve të dëmshme/ Muçollari: Të dhënat janë alarmante

9 Dhjetor 2024, 11:30, Politikë CNA

Tregtimi i produkteve të dëmshme/ Muçollari: Të

Anëtar i Kryesisë së Partisë Demokratike, Grigels Muçollari, ka folur për sigurinë ushqimore dhe tregtimin e produkteve të dëmshme në Shqipëri.

Muçollari gjatë një interviste televizive theksoi se kjo është një situatë alarmante pasi lidhet me shumë probleme, me sëmundje që vijnë nga mungesa e produkteve të cilat nuk janë të sigurta.

"Situata në kuadrin e sigurisë ushqimore për mendimin tim është alarmante në Tiranë dhe kudo në trojet tona. Ajo që ka ndodhur më përpara që politika nuk është marrë, për mendimin tim është një qasje e gabuar e politikës, pasi duhet të kishim kohë që duhet të ishim marrë me këtë çështje. Lidhet me shumë probleme, me shumë sëmundje, me shumë prekje të njerëzve që vijnë nga mungesa e produkteve të cilat nuk janë të sigurta. Partia Demokratike ka mbi një vit që po trajton këtë çështje, ka ngritur edhe një grup pune me një sërë specialistësh të cilët mbledhin të dhëna dhe po analizojnë qartë situatën brenda Shqipërisë në kuadër të sigurisë ushqimore. Të dhënat që kemi garantuar janë alarmante.

Qasja ime për t'u marrë me këtë, filloi nga familja në fakt. Dhe fakti që ne kishim një shqetësim të mëdha në mënyrën se si po ushqehen fëmijët, edhe ne patjetër, lindi problemi që këtu duhet t'i japë zgjidhje politika, duhet të kishim vëmendjen, pikërisht tek kjo çështje shumë jetike. Dhe po ta vëmë re edhe BE është shumë rigoroz në këtë aspekt sepse do të hapë kufijtë për të qarkulluar pikërisht këto mallra. Vetëm gjatë këtij viti mbi 50 për qind e eksporteve janë kthyer mbrapsht në fushën e bujqësisë. Me shumë se gjysma e eksporteve", tha Muçollari./ CNA





Lajmet e fundit nga