web counter
LEXO PA REKLAMA!

SHKARKO APP

App Store
Google Play

Takimet në Uashington/ Mediu zbulon detaje nga bisedimet me ndërkombëtarët

8 Dhjetor 2024, 17:17, Politikë CNA
Takimet në Uashington/ Mediu zbulon detaje nga bisedimet me
Kreu i Partisë Republikane Fatmir Mediu

Kreu i Partisë Republikane Fatmir Mediu ka folur për vizitën e tij në Uashington bashkë me eksponentë të tjerë të opozitës.

Gjatë një interviste, Mediu ka zbuluar se çfarë ka biseduar me ndërkombëtarët.

Ai u ka treguar se opozita kërkon një qeveri teknike në mënyrë që administrata, qeveria dhe krimi të heqin duart nga zgjedhjet në Shqipëri.

“Kërkesa jonë për një qeverisje kujdestare, nuk është kërkesa për të marrë pjesë në qeveri me Ramën, siç ka ndodhur. Është kërkesa për të krijuar një qeverisje si në Maqedoni, ku për një periudhë të caktuar kohore, përpiqet që administrata shtetërore, apo problemet që kanë me korrupsionin dhe krimin, ti shkëpusë nga problemet zgjedhore.

Pra të heq duart e administratës, krimit, qeverisë nga manipulimi i zgjedhjeve dhe kjo i shërben interesave të vendit. Dhe ky është diskursi që ne kemi pasur me ndërkombëtarët.

Nuk po kërkojmë qeveri të opozitës, por një qeveri që garanton zgjedhje të lira dhe të ndershme, sepse është provuar se nuk kemi pasur zgjedhje të lira dhe te ndershme. Nuk di ca duhet tjetër për ta provuar këtë, raporti i OSBE-ODIHR, apo fakte të tjera konkrete që kanë dalë, ku grupe të caktuara kriminale përcaktojnë se kush janë deputetët e listës së PS.

O duhet të arrijmë në bindjen se jemi vend anëtar i NATO-s dhe duhet të kemi zgjedhje të lira e të ndershme, ku secili loz në një terren të barabartë, me kushtet të barabarta, në një ligj dhe reformë zgjedhore të plotësuara sipas kërkesave OSBE-ODIHR që nuk e kemi pasur dhe nuk e kemi që nga 2013, në një kushtetutë funksionale që u shkel nga PS.

Qeverisja kujdestare është ajo që garanton që ato aspekte ligjore që janë të kthehen në aspekte të implementimit konkret për zgjedhje të lira dhe të ndershme”, tha Mediu./ CNA





Lajmet e fundit nga