web counter
LEXO PA REKLAMA!

SHKARKO APP

App Store
Google Play

“Ajola Xoxës iu gjetën 230 mijë euro”/ Denoncon Sali Berisha, nëpërmjet qytetarit digjital

9 Dhjetor 2024, 13:42, Politikë CNA

“Ajola Xoxës iu gjetën 230 mijë euro”/ Denoncon Sali

Kryedemokrati Sali Berisha gjatë një konfrence për mediat ka hedhuar akuza se nga kontrollet e BKH-së të bëra për kryebashkiakun Erion Veliaj dhe Ajola Xoxën, kësaj të fundit i janë gjetur 230 mijë euro.

Berisha i bëri deklaratat pa publikuar fakte, duke iu referuar qytetarit digjital.

Berisha ashtu si në çdo dalje të tij publike sulmoi SPAK-un se edhe për rastin e kryebashkiakut Veliaj, hetimet sipas tij nuk kanë qenë të thelluara.

“Tri ditë më parë u zhvillua, siç e denoncova këtu para jush, beteja mes Kodrës së Diellit dhe Surrelit. Por këtu para jush paraqita vetëm aktin e parë. Akti i dytë ka përsëri të njëjtët aktorë. Akti i dytë u zhvillua në galerinë ‘Harabel’.

Ekipi i BKH dhe SKAP-it, nga shtëpia e Erion Veliajt në Kodër të Diellit, u zhvendos në galerinë e Velicës, ‘Harabel’. Edhe aty të njëjtit personazhe, agjentët e BKH, Velica, dhe as i vëllai i saj, as i vëllai i Erion Veliajt, as kushërinjtë, por përsëri i njëjti Alban, Dabulla.

I njëjti Alban që lëshoi ultimatumin nga Kodra e Diellit sikur të ishte ai pronari i galerisë ‘Harabel’. Ai shoqëroi Velicën dhe ekipin e BKH-së në kontrollin që u bë në galerinë ‘Harabel’. Gjatë atij kontrolli janë gjetur 230 mijë euro të fshehura në galeri.

Qytetari digjital informon Sali Berishën me kompetencë të plotë, në fakt BKH-ja digjitale. Qytetari digjital nuk ka mur, nuk ka dritare, nuk ka çati, nuk ka dysheme, nuk ka tavan që e pengon atë për të qenë aty ku duhet.

Qytetari digjital informon se janë gjetur 230 mijë euro dhe se Dabulla lëshoi ultimatumin: guxoni, përmendni fotografitë dhe regjistrimet e Olsit me Xibrakën bëhen publike brenda 3 orëve. Sepse, edhe njëherë po u rikujtoj se në klubin e Xibrakës ka pasur 100 për qind mandat arresti për Besnik Dabullën, duhet të bëj një kontroll nëse ka pasur mandat për Albanin...

Por, të qëndrojmë këtu. Grupi i XIbrakës ishte grupi i hakmarrjes për drejtësi. Gentian Gjonaj dhe Dabulla kanë qenë krahu publik i hakmarrjes për drejtësi. Dhe në grupin e Xibrakës, që de facto ishte grupi i Hakmarrjes për Drejtësi, por tani me koperturën më të lartë shtetërore, Olsi Ramën dhe Iljaz Çeçon dhe djemtë e tij.

Pra, në këtë kontekst ata kanë të gjithë dokumentacionin e personit të paidentifikuar, që shkruante polici që kishte frikë të përmendte emrin e Olsi Ramës.

Dhe kështu që u censurua lajmi i gjetjes së 230 mijë eurove. Velica me të qetë filloi të justifikohej se kam bërë këto shitje e ato shitje, që të gjitha para të vjedhura pa diskutim.

Pra, kjo tregon edhe njëherë falsitetin e hetimeve të organizatës kriminale që drejtohet nga Altin Dumani dhe ajo tjetra, Hajnaj, drejtoresha e BKH-së, e cila ka vetinë, merr çdo fashikull, dosje që ka lidhje me Edi Ramën dhe ia dërgon atje në zyrë. Kjo e provuar.

Ajo, përveç kësaj, dosjet që nuk duhet të marrin rrugë, i degdis në qoshe të arkivave që të përfundojnë në kalendat greke. Edhe ajo është një person jashtëzakonisht i inkriminuar në raport me ligjin”, deklaroi Berisha./ CNA





Lajmet e fundit nga