web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ka në thelb hetimi pasuror ndaj Erion Veliajt?

10 Dhjetor 2024, 12:45, Politikë CNA

Çfarë ka në thelb hetimi pasuror ndaj Erion Veliajt?

Tri ditë më parë, SPAK-u shkoi dhe ushtroi kontroll në shtëpinë e kryebashkiakut të Tiranës, sekuestroi telefonin e Ajola Xoxës, bashkëshortes së tij, ushtroi kontroll edhe në shtëpinë e Arbër Veliajt, vëllait të kryebashkiakut, si dhe aktivitete të zonjës Xoxa. (LEXO KETU)

Po çfarë ka në thelb ky hetim, pasi është ngritur një tymnajë sikur po hetohet Ajola apo vëllai i Erion Veliajt?

Hetimi pasuror ndaj Erion Veliajt ka filluar pas DYSHIMEVE TË ARSYESHME se kryebashkiaku i Tiranës ka shpërdoruar detyrën. Mund të ketë fshehur pasurinë, dyshohet për korrupsion.

Pas këtyre dyshimeve që vijnë nga disa hetime paralele siç janë dosja “5D” e drejtorëve hajdutë famozë të Bashkisë së Tiranës, dosja e inceneratorëve ku janë paguar 130 milionë euro për një incenerator që nuk ekziston, dosja e shembjeve te “5 Maji”, shembja e Teatrit Kombëtar.

Të gjitha këto dhe hetime të tjera që po kryhen nga SPAK-u kanë çuar prokurorët që të regjistrojnë një hetim pasuror për kryebashkiakun e Tiranës. AS AJOLA XOXA, AS ARBËR VELIAJ nuk janë kompetencë e SPAK-ut. Ata po hetohen për shkak të lidhjeve me kryebashkiakun.

Prokurorët kanë shkuar në gjykatë dhe kanë marrë urdhër-kontrollet që më pas janë dhënë nga prokurorët e çështjes që është Olsi Dado dhe vetë kreu i SPAK-ut, Altin Dumani.

Pas çdo tymnaje që hidhet nuk ka asnjë bazë, nuk është e vërtetë. (LEXO KETU)

E vërteta është një dhe vetëm një.

Hetim pasuror për Erion Veliajn, pasi dyshohet për korrupsion dhe shpërdorim detyre dhe fshehje e mosdeklarim i pasurisë. Prokurorët kanë mbledhur fakte, dokumente, prova.

Burime jozyrtare theksojnë se në zyrën e Ajola Xoxës janë gjetur dhjetëra mijëra euro, transaksione bankare nga kompani të ndryshme ndërtimi dhe biznese, të cilat kanë financuar vëllanë e kryebashkiakut Erion Veliaj dhe nga ana tjetër kanë marrë tenderë apo përfitime në Bashkinë e Tiranës.

Këto dhe shumë të tjera SPAK-u po i heton për të shkuar në fund te ngritja e një akuze dhe çuarja para drejtësisë apo te pushimi i çështjes. Deri tani faktet dhe provat tregojnë se Erion Veliaj është thjesht dhe vetëm një zullumqar e asgjë më shumë se kaq.

Të tjerat i ka vetëm përpëlitje, sepse e di se çfarë ka bërë dhe çfarë pritet t’i ndodhë./ CNA

 





Lajmet e fundit nga