web counter
LEXO PA REKLAMA!

SHKARKO APP

App Store
Google Play

Masakra e Dobraçit/ Ervin Hoxha: Kemi disa të arrestuar, shumë shpejt do publikojmë emrat

13 Dhjetor 2024, 16:32, Aktualitet CNA
Masakra e Dobraçit/ Ervin Hoxha: Kemi disa të arrestuar, shumë
Ministri i Brendshëm, Ervin Hoxha

Ministri i Brendshëm, Ervin Hoxha, ka zhvilluar sot një takim me prefektët e 12 qarqeve në Korçë.

Në dalje të takimit, ministri foli edhe për masakrën në Dobraç të shkodrës.

Ai deklaroi se janë shoqëruar dhe arrestuar disa persona në Dobraç dhe shumë shpejt do publikohen emrat e personave të përfshirë.

“Lidhur me krimin e organizuar dhe luftën kundër narkotikëve, kohët e fundit kemi pasur disa raste dhe ngjarje kriminale me pasoja të rënda, përfshirë humbje jete. Policia, në bashkëpunim me prokuroritë e rretheve gjyqësore dhe SPAK, është duke hetuar të gjitha këto raste dhe ngjarje kriminale që kanë qenë shqetësuese për opinionin publik. Besoj se shumë shpejt do të kemi rezultate konkrete.

Gjithashtu, janë zhvilluar kontrolle, ndalime dhe shoqërime të personave të përfshirë në ngjarje të rënda kriminale, përfshirë ato në Shkodër.

Për emrat, besoj se duhet të presim deklaratat e Policisë së Shtetit, që do t’i bëjnë të ditura shumë shpejt. Unë besoj se shumë shpejt Policia e Shtetit do të publikojë deklarata konkrete për sa i përket emrave të përfshirë në ngjarjet në Dobraç”, theksoi Ervin Hoxha./ CNA





Lajmet e fundit nga