web counter
LEXO PA REKLAMA!

SHKARKO APP

App Store
Google Play

E fundit!

x

Denoncim në SPAK për Ermal Kapllanajn/ Nuk ka deklaruar pasurinë

16 Dhjetor 2024, 13:22, Aktualitet CNA
Denoncim në SPAK për Ermal Kapllanajn/ Nuk ka deklaruar pasurinë
Ermal Kapllanaj

Kryetarja e komisionit të apelimit në PD, Adriana Kalaja, ka bërë një denoncim në SPAK për ish-drejtorin e Policisë Bashkiake të Tiranës, Ermal Kapllanaj, për mosdeklarim dhe fshehje të pasurisë.

Kallëzimi i Kalasë vjen pas denoncimeve se Ermal Kapllanaj, ish-kryepolici i Erion Veliajt, nuk ka deklaruar pasurinë për 7 vite.

Po ashtu, sipas Kalasë, vjehrri i Ermal Kapllanajt është futur me 33% të aksioneve në një nga supermarketet më të fuqishme në vend.

“Sipas denoncimeve që na kanë mbërritur në PD, ish-drejtuesi i Policisë Bashkiake për një periudhë 7-vjeçare që ka qenë në krye të Policisë Bashkiake ka refuzuar të deklarojë pasurinë, qoftë dhe të personave të lidhur me të, por mbi të gjitha sipas po këtyre denoncimeve vjehrri i Ermal Kapllanajt është futur me 33% në vitin 2020 në një nga supermarketet më të fuqishme që veprojnë në vend. Ne kemi ngritur dyshime të arsyeshme se kemi të bëjmë me shpërdorim detyre, korrupsion pasiv dhe pastrim i produkteve penale se nuk na rezulton që vjehrri të kishte një pasuri të tillë që të blinte 33% të rrjetit të marketeve”, tha Kalaja./ CNA





Lajmet e fundit nga