web counter
LEXO PA REKLAMA!

SHKARKO APP

App Store
Google Play

Dash Sula: Shqipëria, e 4-ta në Ballkanin Perëndimor për thithjen e investimeve nga BE-ja

16 Dhjetor 2024, 11:45, Aktualitet CNA
Dash Sula: Shqipëria, e 4-ta në Ballkanin Perëndimor për
Dashnor Sula

Për deputetin e PD-së, Dashnor Sulën, fjalët e tepërta janë fukarallëk. Përmes një postimi në rrjetet sociale, Sula ka përmendur shifrat e Eurostat duke deklaruar se Shqipëria renditet e katërta në Ballkanin Perëndimor për thithjen e investimeve nga Bashkimi Europian.

Shqipëria renditet e 4-ta në Ballkanin Perëndimor për thithjen e investimeve nga BE-ja në raport me Prodhimin e Brendshëm Bruto.

"Ne kemi parë kreun e qeverisë të bëjë 'liderin global' në forume ekonomike, në panaire të ndryshme, por siç thotë populli 'Fjalët e tepërta jane fukarallëk'. Dhe mesa duket kjo ka ndodhur. Teksa kryeministri ynë është kujdesur të bëjë propagandë, liderët e Maqedonisë së Veriut, Serbisë e Malit të Zi i janë përveshur punës për të ftuar biznesmenët e BE-së të investojnë në vendet e tyre.

Sipas EUROSTAT, Institutit Europian të Statistikave, vendi që ka përthithur më shumë investime nga BE në 2023 është Maqedonia e Veriut. Investimet nga BE deri në fund të 2023 në Maqedoni përbënin 29.3% të Prodhimit të Brendshëm Bruto. E dyta radhitet Serbia, i treti Mali i Zi, ku këto investime përbëjnë 26% të PBB-së dhe në vend të 4-t vjen Shqipëria.

Disa vite më parë Shqipëria miratoi një ligj të përkohshëm. Ligjin për Investimet dhe Investitorët Strategjikë. Në atë kohë u propagandua se ky ligj me shumë lehtësi fiskale, madje edhe duke dhënë pasuri publike, do të përdorej për të thithur investitorë seriozë nga BE-ja. PS ka sjellë sërish kërkesën për ta shtyrë këtë ligj, edhe pse siç e thotë edhe EUROSTAT përfituesit nuk janë brandet ndërkombëtare, por klientët e oborrit kryeministror. Mesa duket bregdeti ynë ka akoma hapësira të cilat janë pikasur nga miqtë e qeverisë dhe do t'i japë ato për qoka para zgjedhjeve", shkruan deputeti./ CNA





Lajmet e fundit nga