web counter
LEXO PA REKLAMA!

SHKARKO APP

App Store
Google Play

Vetingu në drejtësi/ Gonzato: Është arritje, afroi Shqipërinë drejt BE-së

16 Dhjetor 2024, 15:46, Aktualitet CNA
Vetingu në drejtësi/ Gonzato: Është arritje, afroi
Ambasadori i BE -së në Tiranë, Silvio Gonzato

Ambasadori i BE-së në Tiranë, Silvio Gonzato, foli për procesin e vetingut në Shqipëri.

Gonzato tha se ky proces ishte i vështirë, por e cilësoi si një arritje dhe një punë të madhe.

Sipas tij, vetingu në drejtësi e ka afruar Shqipërinë më pranë anëtarësimit në BE.

Megjithatë, ambasadori deklaroi se Gjyqësori duhet të jetë i pavarur dhe të japë edhe llogari, në mënyrë që çdo qytetar të ketë qasje në drejtësi.

“Ky nuk ka qenë një proces i lehtë. Profesionalizimi që ju treguat në këtë udhëtim më lejoni që të përgëzoj komisionerët për kontributin e tyre që të sigurohej pavarësia e sistemit të drejtësisë për të risjellë besimin e publikut tek institucionet e drejtësisë. Ajo që keni bërë deri tani është një nga disa gjëra dhe keni dhënë një kontribut të madh për çeljen e grupkapitullit të parë. Puna që është bërë deri tani nuk duhet që të humbasë dhe pavarësia e institucioneve duhet që të ruhet.

KLGJ dhe KLP duhet të japin prova konkrete dhe të ruajnë standardet e organeve të vetingut. Një aspekt tjetër për të cilin i jemi referuar ne është rëndësia që kanë institucionet e vetingut që duhet t’i referojnë çështje prokurorisë dhe SPAK-ut. Në mbyllje mendoj se ajo që keni bërë në këto 7 vite është një arritje dhe një punë e madhe, dhe ka bërë atë që e ka sjellë Shqipërinë më pranë BE-së dhe anëtarësimit. Gjyqësori duhet të jetë i pavarur dhe të japë edhe llogari, në mënyrë që çdo qytetar të ketë qasje në drejtësi”, theksoi Gonzato./ CNA





Lajmet e fundit nga