web counter
LEXO PA REKLAMA!

SHKARKO APP

App Store
Google Play

E fundit!

x

FOTO-Kur Agron Shehaj shëtiste në bizneset e tij Erion Veliajn

19 Dhjetor 2024, 18:07, Politikë CNA
FOTO-Kur Agron Shehaj shëtiste në bizneset e tij Erion Veliajn
Agron Shehaj dhe Erion Veliaj

Në seancën e sotme parlamentare ka patur debate të ashpra dhe tensione mes deputetëve të opozitës dhe deputetit Agron Shehaj.

Ky i fundit ka kërkuar një interpelancë me zëvendëskryeministren Belinda Balluku në lidhje me aksin Thumanë-Kashar duke shkaktuar kështu një kundërshti nga ana e opozitës për shkak se ishte një çështje e ezauruar dhe ishte bërë një interpelancë e tillë.

Shehaj bllokoi foltoren duke kërkuar që të fliste në parlament për këtë çështje por pati një reagim të menjëhershëm nga ana e opozitës.

Kreu i grupit parlamentar të PD-së Gazment Bardhi iu drejtua Shehajt duke i thënë që kjo interpelancë ishte zhvilluar një herë ndërsa nga ana tjetër Flamur Noka e quajti mercenarë të Veliajt.

Në fakt Agron Shehaj që sot bën rolin e opozitarit të fortë dhe sulmon si grupin e PD po ashtu dhe mazhorancën dikur shëtiste në zyrat e tij bashkë me kryebashkiakun Erion Veliaj.

Veliaj vizitonte biznesin e Agron Shehajt “Call Center” dhe e reklamonte si një shembull suksesi për vitin 2016.

FOTO-Kur Agron Shehaj shëtiste në bizneset e tij Erion Veliajn
Agron Shehaj dhe Erion Veliaj

Për Veliaj, Shehaj ishte një histori suksesi se si një investitor ishte kthyer në Shqipëri për të investuar.

Në vitin 2015, Shehaj doli hapur nën shoqërinë e Erion Veliajt, që në atë kohë mbante postin e Ministrit të  Mirëqenies Sociale dhe Rinisë.

“Kemi 11 qendra gjithsej, shumica janë në Tiranë, dhe vetëm një është jashtë Tiranë, në Vlorë. Janë të gjithë të rinj, shumica janë femra, janë studentë. Planet tona janë për të vazduar të zgjerohemi, sepse shoh ka shumë njerëz që kanë dëshirë për punë”, shprehej Shehaj në atë kohë.

Ndërsa nga ana tjetër Veliaj, në pozicionin e Ministrit të Mirëqenies Sociale dhe Rinisë, i shprehte mbështetje biznesin e call centerit të Shehajt./ CNA





Lajmet e fundit nga