web counter
LEXO PA REKLAMA!

SHKARKO APP

E fundit!

x

Balluku rrëzon akuzat e opozitës: Në Lurë po punohet, është çështje gjeologjike

19 Dhjetor 2024, 15:40, Politikë CNA
Balluku rrëzon akuzat e opozitës: Në Lurë po punohet,
Belinda Balluku

Deputetja e Partisë Demokratike, Elda Hoti, deklaroi sot se janë braktisur punimet për ndërtimin e rrugës së Lurës, e cila parashikohej të mbyllej në vitin 2023.

Sipas Hotit, fondet që duhej të përdoreshin për ndërtimin e kësaj rruge u janë dhënë investitorëve strategjikë.

Nga ana tjetër Balluku u është përgjigjur akuzave të opozitës duke rrëzuar deklaratën se në Lurë nuk punohet.

Ministrja tha se në Lurë po punohet në segmente të ndryshme dhe se çështja është gjeologjike.

“Kontrata është me afat. Punohet në Lurë. Ju e dini, ju i keni pasur të gjitha kontratat jashtë afatit. Në rastin e Lurës është çështje gjeologjike dhe kontrata është në afat. Sipas FSHZH, punohet në segmente të ndryshme të kantierit. Kjo është përgjigjja e ardhur nga FSHZH.

Nëse doni vazhdoni narrativën politike me gënjeshtra, unë ju dhashë përgjigjen”, tha Balluku./ CNA





Lajmet e fundit nga