web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e parlamenteve Shqipëri-Kosovë/ Berisha: Të miratohet rezoluta e rrëzuar për gjenocidin serb

19 Dhjetor 2024, 13:10, Politikë CNA
Mbledhja e parlamenteve Shqipëri-Kosovë/ Berisha: Të miratohet
Kreu i demokratëve, Sali Berisha

Në një deklaratë jashtë Kuvendit të Shqipërisë, kreu i Partisë Demokratike, Sali Berisha, u shpreh se ky parlament nuk mund të shkojë në mbledhje të përbashkët me Kosovën, pasi kanë hedhur poshtë rezolutën për dënimin e gjenocidit serb.

Berisha bëri thirrje që rezoluta për dënimin e gjenocidit serb në Kosovë duhet të votohet me urgjencë.

"Procedura është përparësi absolute në çdo parlament, përveçse në këtë parlament.

Kjo Pëllumbesha Spirogjoka, pas mbledhjes që kanë bërë në grupin e saj parlamentar është transfiguruar, ka frikë dhe tmerr se i nxjerrin 5 milionëshin kur të duan dhe si të duan.

Pra, faktikisht kjo është kryetare e pakallur.

Tani, meqenëse unë në fjalën time kisha disa çështje shumë të rëndësishme, po i ekspozoj këtu para jush dhe shqiptarëve.

Së pari, me datën 20 mblidhen dy parlamentet në Kosovë. Ky parlament nuk mund të shkojë në një mbledhje të përbashkët në një kohë kur ka hedhur poshtë rezolutën për dënimin e gjenocidit serb në Kosovë, ndaj do kërkojmë me urgjencë që kjo rezolutë të votohet para se parlamenti të shkojë në sesion të përbashkët në mënyrë që të mos jetë një hipokrizi kombëtare, por të jetë një akt i pranueshëm kombëtar."/CNA





Lajmet e fundit nga